|
يوم الوداع
الســـــــــــــــــــــــــلام عليكـــــــــــــــــــــم
صبحكم الله بالخير جميعا وحده منكم يابنات تنقز للمطبخ تسوي لنا فطور على ما اكتب لكم قصتي <=== ميت جوع === طبعا مافيها لا ضرب ولا جلد ولا شي اسم القصه يـــــــــــــــــــوم الــــــــــــــــــــوداع :_ طبعا كبرنا انا وسليم وصرنا نسوق سيارات كل واحد فينا عنده سيارة وكل يوم نجتمع مع الشباب نغسل ونلمع سيارتنا ونروح نجلس بالكورنيش مانرجع بيوتنا الا الفجر يا جلسه بالكورنيش ولا رايحين سامري ههههههههههههه المهم مرت ايام حلوه من ايام الطفولة انا وولد خالتي سليم وبعدها كبرنا وصرنا يوميا مع بعض يوم هوشه بالحارة الفلانيه ويوم نروح نفزع مع ناس ونرجع ثيابنا مشققه ويوم تحذف هنود بالبيض وغراش الكوكا ويوم في الشرطه هههههههههههههههههههه بجد كانت ايام ياليتها ترجع عاد سليم طلع شنبة بسرعه <=== داق له بوري == ( ^ _ ^ ) وصار الحبيب كأنه سواق تريلة ماسك طرف هالشنب ويفرك فيه ويلمس صارت فيه طبيعه 24 ساعه لا شعوريا يلمس بهالشنب حتى اذا صحى من النوم المهم اطلقنا عليه اسم (( ابو شنب )) وفجأه جاء يوم من الايام قالت لي الوالدة ودني بيت خالتك ام خالد بسلم عليها خالتك راح ينقلون للقصيم انا وقتها تمنيت ان الارض تنشق وتبلعني ولا يروح سليم للقصيم رحنا نسلم عليهم وانا عيوني تغورق من الدموع مصدق وماني مصدق المهم سليم كان مجهز لي صورة له كاتب لي فيها كلام يودعني فيه المهم رجعنا البيت وانا متضايق الحارة اللي كان ساكن فيها سليم الشباب اللي فيها سووا عزا هذاك اليوم على انتقال سليم من الحارة المهم انا وقتها خلاص قطعت طلعاتي وروحاتي صرت ما اطلع من البيت الا للمدرسه وارجع ما اطلع خلاص مالي نفس على شي المهم شوي شوي بديت اتأقلم على الموضوع وصرت اطلع واروح واجي بس اني فاقد اعز اخ وصديق طبعا سليم ماترك الطبع تلمس بهالشنب كأنه أبضاي سوري عاد اطلقوا عليه في بريدة (( الشنب )) اول ما توصلون القصيم في بريدة قولوا لهم وين بيت الشنب الف من يدلك بيتهم ههههههههههههههههههه المهم سليم الشنب اشتغل في وكالة الجميح في القصيم ميكانيكي سيارات طبعا هو واخوانه مشاء الله عليهم اكتسبوا هذي المهنه من ابوهم لانه كان عنده تشليح (( سكراب )) سيارات المهم سليم بدا يتعلم شوي شوي مع هالفلبينين وصبر وتعب وكان راتبه مره ضعيف تقريبا 2000 ريال المهم اكتسب خبرات خاصه في صيانة السيارات الجديدة وتوضيب مكاينها وبرمجه الكمبيوتر طبعا جته ترقيات لين صار مسؤل قسم في الصيانه طبعا الجميح مستحيييييييييل يستغني عنه لانه السعودي الوحيد ميكانيكي بين الاجانب وفاهم كل شي طبعا سنييييين مرت ماشفت سليم الا من سنتين فقط يالله يوم شفته بغيت ابكي احس الايام والسنيين تمشي مثل البرق وجلسنا نسولف عن ايام اول يووووووووووه ياليتها ترجع يا ناس . ان شاء الله ماطولت عليكم بالقصه |
تصدق ياراعي الكماروا أتمنى أشوف سليم من جد ومن كثر سوالفك معاه أتمنى أشوفه وإن شاء الله إذا رحت القصيم لازم أمر الجميح وبسأل وين الشنب لووووول بس أبغى أشوفه وبقول له أنت سليم وبعدها بمشي هعهعهعهع وبصراحة يوم وداع مره حزين والحمد لله أنك عديت من الأزمة ياراعي الكماروا ويعطيك ألف عافية |
الصراحه عجبتني القصه
ذكرتني بشي يسلموو ع القصه و يعطيك ربي الف عافيه و ننطر المزيد |
واللهـ قصهـ تضحك وتبكي تحزن نفس الوقت
واحد عيار والثاني بو شنب ههههههههههههههههههه بس واللهـ وناسهـ ننتظر المزيد منك راعي الكامروا |
ويوم في الشرطه هههههههههههههههههههه بجد كانت ايام ياليتها ترجع عاد سليم
طلع شنبة بسرعه <=== داق له بوري == ( ^ _ ^ ) وصار الحبيب كأنه سواق تريلة ماسك طرف هالشنب ويفرك فيه ويلمس صارت فيه طبيعه 24 ساعه لا شعوريا يلمس بهالشنب حتى اذا صحى من النوم المهم اطلقنا عليه اسم (( ابو شنب )) http://up.qatarw.com/get-5-2009-624sw6oq.gif راعي الكامروا |
الله يعافيك اخوي الغالي القلب الحزين مايحتاج تروح الجميع روح حي السلمانيه واسأل
عن بيت الشنب الف من يدلك ههههههههههههههههه يعطيك العافيه على هالطله الحلوه |
يسلمووووا على هالطله الحلوه sweet land وان شاء الله ماذكرتج بشي يضايقج
|
هادئه المشاعر منوره الموضوع بطلتك
|
ويداك نور الشمس ان شاء الله الف شكر لك على هالطله الحلوه
|
راعي الكمارو يَآ هَلآ وَ غَلآ فِيكْ والله قصصك خطيييييرة تضحك تحزن مرررررة حلوة يلا الحمد لله على كل حال هذي الدنيا يوم لك ويوم عليك الحمدلله انها عدت على خير يسْلَمُوووو عَلَى القصه الرووووعه وَ آلله يَعْطِيك آلصَّحَةُ وَ آلعَآفِيةِ |
بعد الضحك الي عيشتنا فيه
أخذتنا لجو حزين ويوم الوداع ماحد فينا يتمناه وامس ودعة ثلاث من اصحابي http://www.up4arab.com/out.php/i487494_.gif ان شاء الله محد يعيش هالاجواء الحزينه http://www.up4arab.com/out.php/i487494_.gif يعطيك ربي العوافي وبأنتظار باقي القصص دمت بحفظ الرحمن |
تسلم حبيب قلبي خالد الهاجري على هالطله الحلوه
|
الله يعافيكي كنز الغلا وان شاء الله ماتفقدين غالي
|
هههههههههههه
يحليله سليم هذي الطفوله احلى شيء منها ذكرياتها تسلم اخوي على الموقف يعطيك الف عافية |
ماشاء الله عليك يا راعي الكماروا ماقصرت في القصه وعشتها معاكم كاني وياكم حتى دموعي حسيتها في عيوني
بس بعد ايام الذكريات حلووة ولحمد لله القلووب بعدها متحابة ولله الحمد الف شكرلا ع السولالف ا لحلوة |
الله يسلمج الريم اللعوب مشكورة على هالطله الحلوه
|
يسلمووووووووووووا على هالطله الحلوة قلبي الإمارات
|
ههههههههههه
|
مشكورة على مرورك رفيدة الانصارية منوره الموضوع بطلتك
|
ههههههههههههههه حلوووووووووووووووه ابو شنب..:)
بس حزنتني بسالفة الوداع والذكريات الله يرج بليسك احس اني ببكي:( |
هههههههههههههههههه ابكي احلى فراوله لا تخلين شي بخاطرك
يسلموووووووووووا على هالطله |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
