منتدى الخليج - الى متى منغمسين

إلسَلآم عليكم ورحمه الله وبركآته ..!

ماكَآنِ منْ القلبَ دوما اسبقْ الى الــ ( قلبَ )
اول شي نبغى نكوِنَ شباب وبنآت فله من غير معصية ..من غير ذنوب ..!
مو معنى نكَوِنَ فللله يعني لآزم اسمع اغاني ..يعني لآزم إكلم بنات عشان يقولو عني رآعي فله
مو معنى البنت تكون فله لمآ تلبس قصير وتحضر حفلآت بين البنآت ..
والله يستر من الي يسوونه البنآت في هذه الحفلآت ( مدري وش اسمهآ لكن اكيد مو كل البنآت ) ..!

يــ إخواني / يــ إخواتي

كلنا عندنا إحلام وطموحات ماتحقق .. واحد حلمه يشتري سياره اخر موديل ..
بنت حلمها تسافر وتتمشى وتحقق كل الي هي تبيه .. واحد يكرف نفسه ليل نهار وماينجح
كل هذا بــ سبب ( البعد عن الله )

ماقول نصير مطوعين ..متشددين ..خلونا نصير قريبين من ربنا
نرجع لــ ربنا .. نسأل الله الثبات في هذه الدنيا ..

___

الاغاني توُرثَ الهم والضيق .. وسبب عظيم من اسباب الكئابه ..!
مثلا تلاقو ولد يحب بنت ..وفيه شباب نيتهم الزواج وفيه شباب نيتهم سيئه والعياذ بالله - وكل شاب ونيته -
لكن تلاقو النصيب بيوم من الايام يفرقهم .. إو مالهم حظ مع بعض

اول شي يلجأون له ( الاغاني ) .. يجلس يتذكر حبيبته .. يجلس يصيح
ماعمره فكر يفتح القرآن وقت الضيق .., ع طول اغاني اغاني راشد الماجد رابح صقر محمد عبده
إي شريط بس مايفكر عمره يشغل مشاري العفاسي .., او اي قارئ يحبه

اسالوني انا مجرب ..
إلجأ للقرآن في وقت الضيق .. واذكر ربك تحس برآحه واطمئنآن عجيب
تحس السكينه والهدؤء يعوٌٍد لــ قلبك ..!
تحس انك قريب من ربك

___

قبل الدنيا كانت اختبآرآت .. كل شخص متوتر وخايف ماينجح .. وكلهم الشباب عرفوا المسآجد والبنآت عرفو السجآده
وإعيد واكرر مو الكل فيه فئه فيهم الخير ولله الحمد ..عشان بعض اليوزرات ماتطب في بطني فجأه
ليش مانذكر ربنا الا في وقت الشده ..؟
يعني الرب موجود في الشده ..وفي الرخآء مو موجود - الرب موجود وقت معين وقت الامتحانات والمرض وقت الهموم
وبآقي الاوقات مو موجود ..؟
في الامتحانات نزل الدين فجأه

في بداية الامتحانات كنت جالس مع واحد من اخوياي وصديقه الثاني ..المهم واحد منهم بدى يغني
سكته خويي وقاله امتحانات يامجنون انت ماتبي ربي يوفقك بالامتحانات ..!
انا هنا تذكرت اول وضعي ..اذا جت الامتحانات خلآص المسجد مآفآرقه - الاغاني ابطلها
بس لما سمعته منها تندمت كثير كيف كنت غبي كنت مضيع عمر كثير في اللهو والاستمتاع بالدنيا بعيد عن الله
ولكن للأسف كان لهوٌٍآ! مصحوٍبآً بــ ضيقه في الصدر حال انتهائها ,

مشيت من عندهم ودخلت البيت ضايق الصدر وجلست إفكر في حالنا .!
فعلا الانسان مايعرف ربه الا عند الشدائد .. والرب يعرف الانسان في الرخاء والشده
ولاتنسون إن الرب قال اعرفوني في الرخاء ..اعرفكم في الشده - او شي بما معناه - ..!

___

مواقف حصلت لــ بعض من اقربائي : )

اعرف واحد كان يحب بنت لــ حد الجنون .. الولد ماعمره نظر لغيرها ولافكر في غيرها
درس واجتهد عشان يتزوجها وماكانت دراسته لله كان كل خطوه يخطوها لها هي وبس ..!
30 سنه من عمره مضت وهو يتقدم لها وهي رافضته .. انصدم الرجال بس كان عنده إمل وايمان قوي ان مصيره يتزوجها ..
تزوج غيرها قبل مايروح لها في ليله الملكه كان جالس في الصاله ..مرت إمه وتلاقيه يبكي
كان مغصوب بس مو قادر يرفض زي مايقولو ( طاح الفاس بالراس ) وخلاص كل شي صار واقعي بعد شوي الملكه
عند كتب الكتاب قاله المأذون وش شروطك عليها ؟!
رد هــ الرجل بكل حزن ( مابي منها شي ) .. حس ان ابوها شك بالولد قال غير انها تكون دينه وتخاف الله
في ايام الملكه ماكان يراسلها ولا يروح لها الا بعد كم كلمه من ابوهـ
قبل الزواج بيوم كان نايم .. والعاده المعروف عندنا قبل الزواج يجي الولد متوتر من الحلاق للغسال يشيك ع البشت
يشوف الوضع ..!
بــ الساعه 4 العصر كان يحلق شعر وجهه بالبيت ..ماكمل الحلاقه ودخل غرفته وجلس يصيح
طول اليوم كان حزين ..حتى دخوله ع زوجته بالقصر وقت التصوير بدون بشت ..بعدين خاف تشك بشي جاب البشت ولبسه .. جلس جمبها مغصوب
يقارنها بين حبيبته الاولى وبين ذي وش جاب الثرى للثريا ..؟!

كل هــ الي صار له لأنه مادعى الله تكون هالبنت من نصيبه .. لأنه كان يبني مستقبله ويدرس ويكرف عشانها
بعيد عن الله .. شفتوا ان حتى الزواج لازم به دعاء

( تقدرون تسمون هـ الشخص هذا اخوي )

شخص ثاني كانت امه مصابه بــ مرض في رجليها مايخليها تقدر تمشي زين .. وكان يأئس جدا انها تتشآفى
وهالانسان حياته كلها مقضيها سفريات - تماشي - هجوله ..!
ويمكن هــ الموقف خلاه يرجع لربه قاله اخوي ( وكان اكبر اخواني متدين وقتها ) قاله ياخي صل واذكر ربك ..!
ان شاء الله امك تقوم بالسلامه بدال هالازعاج الي ع غير فائده
الولد ليله ع نهاره صلاه استغفار .. دق علينا يوم من الايام وقال ان العمليه نجحت والام يبي لها ترتاح في السرير
بعد 3 شهور يمديها تتحرك عشان مايصير لها شي وقت العمليه
كان الولد في قمممه سعادته وهو يكلمنا ونذر نذرا انه بيذبح خروف عشان امه
من سعادته جلس يسلم ع كل الي بالمستشفى ..موقف هزز الجميع في المستشفى

___

خلونا من اليوم الى اخر يوم في حياتنا نبدأها بــ شكل - اسلوب غير ..!
خلونا نعيش حياتنا قريبين من ربنا .. عشان نحقق طموحنا ..عشان ننعم بحياه سعيدة
عشان تحل علينا البركه من عند ربنا .. عشان تروح المصايب والزلازل والامراض الي كل يوم نسمع عنها
من علامات القيامة الكبرى... خروج نار من ارض الحجاز,, اللي هي البراكين

من علامات القيامة... قتل الخنازير.. وشوفو انفلونزا الخنازير كيف منتشرة

خلونا نرجع لربنا

عشان تتحقق أحلامنا ونفوز بالجنة

صحيح نلبس ماركات.. لكن نتصدق على الفقراء

صحيح نسمع أغاني.. لكن حنخفف منها ونسمع ونقرأ قرآن

صحيح نروح كفيهات... لكن بنروح الحرم كمان

صحيح بنركب جيت سكي.. لكن وقت ما يأدن نقوم نصلي

صحيح نشرب معسل... لكن انشاءالله نبطل

صحيح نتفرج تلفزيون.. لكن وقت الأذان نقفل الصوت

صحيح نروح مولات.. لكن ما نرقم بنات

صحيح بنضيع وقت عالنت... لكن بنسوي شي مفيد

صحيح بنعمل ذنوب... لكن نرجع نستغفر ربنا

صحيح احنا مو مطوعين... لكن قريبين من ربنا

/

( سبحانك اللهم وبحمدك اشهد ان لا اله الا انت استغفرك واتوب اليك )

منقووول