|
مدونات راعي الكماروا اقلطوا الله يحييكم
الســــــــــــــــــــــــلام عليكــــــــــــــــــــــــم
مسيكم بالخير ياجماعه شخباركم ان شاء الله تكونون بألف صحه وعافيه انشأت هذه المدونه المتواضعه وارجوا ان شاء الله انها تنال على اعجابكم وان اكون خفيف ضل راح ان شاء الله انقل جميع القصص الواقعيه اللتي حصلت في حياتي في هذي المدونه يالله ما اطول عليكم وان شاء الله تستمتعون معنا . |
بإنتظارك ياراعي الكماروا
ويعطيك ألف عافية |
هلآ واللهـ الف مليون مبروكـ افتتآح آلمدونهـ
واخيرآآآآ مآبقيت تفتح لك,,, وآصل وحنآ من متآبعينكـ |
مبروك اخوي عالمدونه وربي يوفقكك
بس ياويلك تكتب فيها عبارة لحجي وربي ماحد بيفكك مني ياراعي القرنبع |
مبروك المدونه
|
مبروووووك آفتتـآح مدووونتك ،، وبالتوفيييق آن شــآء الله |
سلسلة قصص من حياة راعي الكماروا 1
الســــــــــــــــــــــلام عليكــــــــــــــــــــــم
طبعا كل يومين راح اكتب لكم قصه من حياة راعي الكماروا المأساوية وان شاء الله تحوز على اعجابكم اسم القصه :_ العجوز الشمطاااااااااء سنة من السنين يوم كنا صغار كنا متأثير في اللاعب القدير ماجد عبدالله ونحاول نسوي زي حركاته المهم كنت في بيت جدتي وطلعت انا وولد خالتي سليم <== سليمان == نلعب كورة مع عيال الحارة المهم كنا نلعب في البراحه وانا كنت حارس مرمى <== الدعيع على غفلة == المهم واشوت الكورة مدري وش خلاها تلف تروح يسار احتمال عندي اصبع معووج :D المهم كانت حرمه عجوز تمشي وفوق راسها قدر كبير وضربت الكورة فيه وطاح وتنثر الرز في الشارع قامت تسب وتلعن طبعا عرفت ان انا والبركه في الشباب خافوا قالوا هذا اللي شاتها طبعا ركضت وراي لين بيت جدتي ورقيت فوق الجدار عشان مايجلدني خالي عبدالرحمن عندي خال جثه وضخامه وطول ضربه وحده ترقد بالانعاش <== مجربها كثير == المهم دقت الجرس العجوز وطلعت عليها جدتي وتأسفت منها وراحت عاد خالي يقول لي انزل وانا اقول لا اااااااا عشان تضربني اقولك انزل لاااااااااا :mad: جدتي عاد مسيكينه انزل ياولدي وانا لاااااااااا انزل ياحبيبي لااااااااااا انزل يالشاطر لالالالالالااااااااااااااااااا بيضربني خالي قالت والله لا اطرده من بيتي ان لمسك وخالي يطالعني وعيونه تقذف شرار وانا صياح لااااااااااااااااااااا الين جدتي قالت لخالي رح اركب سيارتك واطلع من البيت خل الولد ينزل وانا لاااااااااااااااااا تبينه يروح شوي ويرجع يكفخني انا مجنون انزل بأنتظر ابوي يجي من العمل وانزل عاد جدتي مسكينه طردت خالي من البيت يوم راح بالسيارة نزلت ههههههههههههههههه ترقوا سلسلة من القصص الاجرامية + المبكيه + الطريفه الواقعيه من حياة راعي الكماروا |
تصانيف راعي الكماروا
الســـــــــــــــــــلام عليكـــــــــــــــــــم طبعا انا من طبعي اذا كنت طفشان احب اصنف على اشياء ماتطري على البال هذاك اليوم كنت طفشااااااااااااااااان بجد بجد وانا ادور بالسيارة مدري وش اللي حذفني على حي العدامة طبعا حي العدامة كله محلات واجانب المهم كنت فاتح الدريشه وكان الجو مرررررره عليل وفجأه قبل لا اوصل للتقاطع دخلت علي ريحة بغيت الله يعزكم ازوع على الطبلون والتفت على يساري الا فيه محل مكتوب عليه فسيخ مصري معلق انواع من الاسماك مجففه وريحتها تحيي الميت المهم وانا ماشي الا قلت لف يمين مع التقاطع الا فيه محلين مقابلين بعض محل تفصيل ثياب سودانيه والثاني زي رسمي سوداني دخلت اول محل وفصلت ثوب سوداني وقال بعد اسبوع يخلص جيته بعد اسبوع واخذت الثوب طبعا ماعندي وقت فصخت ثوبي عنده ولبست العراقية الى الساقين شلحه رجاليه هههههههههههه وفوقها الثوب السوداني المهم طلعت من الخياط ورحت للمحل الثاني وشريت عمامه طولها 3 متر وخليته يلفها على راسي وشريت الله يعزكم جزمه جلد نمر وصار شكلي تحفه وركبت الموتر واتجهت بيت اهلي يوم نزلت من السيارة في حارتنا الا شباب الحارة يطالعون وش هالزول اللي نازل من سيارة راعي الكماروا لا يكون مدرس خصوصي يوم ثبتوا شكلي وخذ ياضحك المهم دخلت على اهلي جالسين بالصالة صراخوا اهلي يوم شافوني عاد ابوي وقف <==== جاهز للضرب ==== والله من هالوراثه الخايسه اللي اكتسبناها العصبيه المهم شوي وخذ لك ياضحك وش مسوي بنفسك قلت لهم الواحد لا كان فاضي يسوي اي شي احمدوا ربكم بعد مارحت استأجرت سيارة فخمة وظللتها وخليت الشباب يلحقوني نسوي موكب ملكي <== كان قسم بالله مستهدفيننا الارهابيين === هههههههه عاد طلعت للشارع واحد من عيال جيراننا اخذ العمامه والثاني اخذ الجزمه جلد النمر صفيت على العراقيه والثوب السوداني العراقيه البسها داخل البيت والثوب السوداني لاجيت اتحوس مع قطاوتي ولا مع تفكك هالسيارات خفيف ووسيع ويستحمل وصخ ههههههههههههههههههههههههه ان شاء الله ما اكون ثقلت عليكم بسواليفي |
قرين راعي الكماروا
الســــــــــــــــلام عليكــــــــــــــــــم صراحه فكرت بالموضوع وشفت سبب هالاشياء اللي سويتها في حياتي مو مني من قريني الله بلاني بجني يوسوس لي بأشياء بصمت بالعشر انه داااااااااشر من كم يوم جيت انام ماجاني نوم جلست اتقلب يمين يسار مافي فايدة جلست وطقيت هذيك التربيعه بشوف وش اخرتها وفجأه كأن احد معاي بالغرفه يقول لي مسيك بالخير يا زقرت :182: بيني وبينكم مصدق مكذب ان احد سلم علي وقال اللحين دامك جالس ماجاك نوم شرايك تروح تخطب لك وحدة تسليك ومنها تبخ عليك من هالفلوس اللي جالسه على قلبها قلت له والله فكرة مش بطاله بس من هي ؟؟ قال انا عندي خويتي قرينة لوحدة طقاقه بخليها توسوس للطقاقه عشان تحبك وتزوجون قلت له يا ابن الحلال انت تبي تدبسني وبسسسسس طيب طلعت الطقاقه شينه خنافر وخشتها زي الشيول وشعر اذا لمسته سبب لي جروح من الدرجه الاولى <=== بلا عيارة هذيك الحروق مو الجروح المهم قال لي انت وش عليك من شكلها حاول تتحمل وتضحي كل شي من اجل الفلوس يهووون وغير كذا كل يوم عندها زواج او حفلة عيد ميلاد ترجع لك بالليله 7 الاف ريال صافي لها لانها هي رئيسة الفرقة وغير كذا شوف يدينها اليمنى واليسرى شاكتهم شك من الذهب يعني اذا جاء يوم وانت تسولف معها على السرير امسك لك مرجاف <== نوع من انواع الطبول وطق طبط طبط طبط وغن لها ياخالتي خافي من الله وارحمي حالي ياخالتي حالي نحل وانتي تشوفينه شوي الا هالخالة مستنزلة عليك على السرير خذ مفتاح التجوري وافتحه وخذ لك المبلغ اللي تبي وسكرة زي ما كان وبعدين اسحب لك كم معضد من يدها اليمين واليسار لانها هي ماتعدهم من كثرهم تشتري وتلبس اهم شي مايبين ذراعها من الذهب وبسسسس كلها سته شهور من هالحركه الا انت باني لك فلة على كورنيش الدمام حي الشاطئ وبعدها يوم تعال من الشارع مسوي نفسك معصب وعطها كف وقل لها هذي اخرتها تكلمين شباب بالتلفون هي تصيح والله ماكلمت احد انت سو نفسك صايد مستمسك عليها واطردها من البيت وبيع البيت اللي انت فية وانتقل لفلتك الجديدة وتزوج فتاة احلامك وعيش مثل هالناس :159: صح عليك ياقريني خوش فكرة بعدها تعوذت من ابليس وهو طبعا هج انحاش وجلست افكر بيني وبين نفسي يعني طول هالسنيين هذا اللي كان يوسوس لي وخلاني كل حياتي اكل طق وتحذف على الهنود والمصايب والبلاوي والتصانيف اللي مال امها داعي هالقرين هذا صدق انه شيطان لاكن زين صحيت لنفسي وماسمعت كلامه <== بعد ايش كل هالسنيين هههههههههههههههههههههههههه ان شاء الله ماطولت عليكم |
راعي الكماروا والفضاوة 2
الســـــــــــــــــــــلام عليكـــــــــــــــــــــم ههههههههههههههههههههه صدقوني ياجماعه كل ماتذكرت وش سويت اجلس اضحك وليش سويت كذا ما ادري فضاوه او لقافه او تحرش مدري المهم هذاك اليوم كان صباح على الساعه 9 تقريبا جالس على النت واتحوس في منتديات كثير احد المنتديات فيه قسم الضحك والفرفشة قلت خلني اشوف وش في جعبتهم <=== أثر عليه ايام افتح ياسمسم === المهم الا واحد حاط موضوع لايفوتكم النكت قوية جدا عاد انا قام يهرشششش فيني الفضول اشوف الموضوع يوم دخلت الموضوع الا نكت تلوع الكبد بضرب لكم مثل على النكت :_ دجاجه انتحرت قالت خلوا ماجي ينفعكم نكته ثانيه فيه نمله لابسه عبايه ورايحه للمدرسه قال لها المدرس عطيني جمله فيها فاعل قالت ذهبت الى المدرسه وطارت عباتي من الهواء طبعا قالت النمله الهواء هو الفاعل وحاط ضحكه خخخخخخخخخخ (( ياجماعه الى متى بنجلس ونشوف انواع الملاغه )) طبعا انا سجلت في المنتدى وبرسل له رساله عشان اتفاهم مع هالمليغ قال لي لازم تشارك 50 مشاركه عشان تستخدم خاصية الرسائل :icon8: شاركت 51 مشاركه وارسلت رسالة على الخاص للشخص هذا :_ (( مرحبا يالغالي صراحه قريت لك موضوع نكت قمة في السخافه و السذاجه وحست انك انسان سقيم مليغ منت صاحي ياخي اذا ماعندك سالفه لا تلوع كبود الناس رجاء استر على نفسك وخل المشرف على المسؤل عن القسم يحذف موضوعك وبعدين تعال مستانس حاط صورتك في التوقيع شفت شكلك وانت لابس عقال ذكرتي في صورة غلاف فتى رحيمة اغنيه مع السلامه اسعد القلب فرقاة . ملحجه مليتوا البلد يالله بس احذف المشاركه لك فرصه يومين وخلني ارجع واحصل الموضوع موجود انا ترى من زمان ما هزأت احد . الرد :_ (( اهلا اخوي ترى عيب عليك هالاسلوب هذا اسلوب اطفال ترى وبعدين النكت شفيها بالعكس الكل ضحك وحذف ماني حاذف ورني وش عندك ؟؟)) ردي انا :_ (( اسمع ياسقيم عطني رقم تلفونك عشان اتفاهم معاك برسايل ماينفع)) ارسل لي رقم تلفونه :_ المحادثه بيني وبينه :_ راعي الكماروا :_ السلام عليكم عضو المنتدى :_ وعليكم السلام من معاي راعي الكماروا :_ انت اللي حاط النكت السخيفه يا اخي ايش السذاجه هذي عيب والله مليتوا البلد ملحجه يا اخي انت اسلوبك حق سوق حراج شريطي سيارات خل المنتديات لاهلها عضو المنتدى :_ يا اخي انت وش فيك علي وش مسوي لك انا شاب علي كذا ترى كله موضوع نكت بعدين حاول تختار الفاظ افضل من كذا راعي الكماروا :_ على العموم خلك خوش ولد وخل عنك السخافات اللي مالها داعي . قفلت التلفون في وجهه وجلست اقول انا اللحين ليش سويت كذا فضاوه ؟؟؟ هههههههههههههههههههههههه الظاهر فصله مخ ان شاء الله ماطولت عليكم |
راعي الكماروا والساحر الافريقي
الســـــــــــــــــــلام عليكـــــــــــــــــــم قصتي يا جماعه غريبه شوي لي تقريبا اكثر من اسبوعين يجيني اتصال من برا وانا من عادتي ما احب احط جوالي صامت حتى وانا نايم وحتى لو يتصل علي احد مو من النوع اللي انزعج واحسس المتصل اني نايم اخلص وش عندك هههههههه المهم جاني اتصال واصحى من النوم الا رقم غريب قلت خير ان شاء الله ورديت عليه الا واحد يقول السلام عليكم قلت له وعليكم السلام قال معاك اخوك عبدالله شيخ الاسلام المنتصر من افريقيا قلت له ياهلا فيك امرني اخوي قال انا حلمت فيك حلم ان قريبه لك مسويه لك سحر وان هذا السحر سوف يعيق لك حياتك واذا حاب افك لك هذا السحر عطني 5000 ريال واعلمك مين هذي اللي حاطه لك السحر قلت له مشاء الله اجل تعرف الريال السعودي و5000 الالف بعد قلت له يالله بس اقلب وجهك ولا عاد تتصل مره ثانيه وتضيع وقتي ووقتك وقفلت في وجهه الجوال المهم كل يوم تجيني ثلاث اتصالات من سحره كل واحد فيهم رقم يختلف وكلهم نفس الكلام عاد انا خبركم لازم ارد واتهاوش معاهم واقفل في وجيههم المهم اخر مكالمه من تقريبا ثلاثه ايام ويقول لي ترى راح تندم لو عالجتك قلت له تعال للسعودية وانا مستعد اعالج عندك قال انت اللي مريض يجب ان تأتيني انت عارف اني بسوي له كمين هههههههههههههههههه المهم قفلت وكان هالكلام الساعه 2:30 اخر الليل وقبل اذان الفجر بدقيقه تقريبا جتني ياجماعه نفضه مو طبيعيه كل جسمي واحس بشي بيطلع من رجولي وانا اقول وش السالفه وجلست اقرأ على نفسي لين اختفت فجأه هالنفضه مع اذان الفجر قلت يمكن سووها هالافارقه هههههههههههههههه ويمكن اني قمت مفزوع وسنه من السنيين كنت رايح الامارات ودخلت محل في داعوس ادور لي عصى اللي راسها راس حية كوبرا المهم الا شيبه عماني راعي المحل سلمت عليه ومسك يدي قال لي انت يا ولدي تعبان ويبي لك قرايه قلت له انا اصحى منك وانت اللي يبي لك قرايه خاف قال لي اطلع من المحل مافي شي للبيع سير عني ههههههههههههههههههههههه ان شاء الله ماطولت عليكم |
راعي الكماروا والخكري اللي بلش فيه
الســــــــــــــــلام عليكــــــــــــــم السالفه هذي صارت لي من كم سنه مع واحد من الشباب بلشنا بواحد خكري ما ابي احرق السالفه عليكم :_ جاء يوم من الايام كان عندي شغلة بخلصها في المرور ودقيت على واحد من الشباب قبلها بيوم قلت له وش عندك بكرة الصباح قال فاضي اجازة قلت له حلووووو بمر عليك وبنروح للمرور قال لي اوكيييييي صحيت الصبح ودقيت الموتر سلف ومريت خويي ورحنا المرور طبعا من مريت خويي وهو حاط سماعه الجوال بأذنه ويسولف سوالف خاااثره وبصوت هافت مره انا قلت شدعوه معقوله فلان يكلم بنات ؟؟؟ انا سكت وصلنا المرور وطلعت وهو مازال يكلم شوي وقال لي خذ خذ كلم قلت له مين ؟؟؟؟ قالت انت كلم ولا عليك اخذت جواله وقلت الووو:_ هلا صوت ناعم وانعم من النعومه نفسها بيني وبينكم توهقت جلست تسولف وش الاخبار تمام ومن هالكلام وانا ابي اصرفها قالت لي شووووووووووف ترى كل شي ولا فلان انا ما ارضى عليه سمعت انك دائما تسوي فيه مقالب انتبه تزعله ولا تسوي فيه شي المهم عطيت الجوال خويي وجلست انغز فيه اخلصصصصص ساعتين وانت تكلم المهم صرف هاللي بالتلفون وقفل الخط قلت له انت وش سالفة حبايبك ؟؟ قال لا يروح بالك بعيد هذا ولد قلت له طيييييييييير مناك بسسس هذي بنت قال والله العظيم ولد انا :130: مو مصدق السالفه الصوت صوت بنت نااااااعم المهم قلت له شلون تعرفت عليه قال من كم اسبوع دق علي بالغلط وقلت له غلطانه اختي ودق مره ثانيه قلت له غلطانه اختي وبعدها قال انا ولد مو بنت المهم جلس ياخذ ويعطي معي بالكلام لين صارت معرفه وصار يوميا يتصل علي بالثلاث وتوصل 4 ساعات يجلس يسولف وبسسس هذي كل السالفه المهم انا نسيت السالفه بعدها بكم شهر تقريبا اتصل فيني خويي وقال تعال عندي البيت فيه ضيف جاي يبي يشوفك انا طبعا مدري من هو هالضيف رحت ولا جالس بالمجلس ياجماعه بنت مو ولد جمال وشعر مستشور ومكياج خفيف عمره تقريبا 18 سنه دخلت وسلمت وجلست وجلس يسولف شوي خويي جاب الاورج وجلس يعزف والخكري جلس يغني اخذنا فترة بريك (( راحه )) شوي الا عيال خويي دخلوا علينا بالمجلس وقال الخكري ياحليلهم منهم هذولا قال خويي هذولا عيالي شوي الا اصفر وجه الخكري واغمى عليه بلشنى ياجماااااااااااعه رشيناه بماء باااارد وصحى وجلس يبكي ويشاهق ليش ماقلتي انك متزوج ليش تخدعني وكيف راح تعدل بيني وبين زوجتك انا خلاص بموت من الضحك طلعت للحوش ومت ضحك لين سكت ودخلت عليهم وهو مازال يشاهق وخوينا يهدي فيه شغل الاورج وضيع السالفه وجلس يغني انا طبعا استأذنتهم وطلعت وانا خلالالالالالالاص ماني قادر اشوف الطريق من شدة ماضحكت على السالفه اللي صارت الولد جاي من الرياض والسواق برا يستناه عاد اتصل علي خويي وقال ترى الولد يبي يتعرف عليك وعطيته رقمك قلت له ياحمار والله ان اتصل فيني لا اتفل في وجهك انت وياه هذا اللي ناقص ههههههههههههههههه المهم اتصل فيني الولد بس مارديت عليه لين يأس ولا عاد اتصل ان شاء الله ماطولت عليكم |
سوالف على الطاير من راعي الكماروا
الســـــــــــــــــــــــــــلام عليكـــــــــــــــــــــــــــم صبحكم الله بالخير جميعا شخباركم ان شاء الله توني من شوي ضارب القلابة والتميز يالله لك الحمد وتفرغت لكم اليوم ياجماعه عندي بعض السوالف الخفيفه وان شاء الله ما اطول عليكم السالفة الاولى :_ مره كنت جالس مع واحد من الشباب بدوي والهياط عنده ببلاش يقول ان ابوه عند طيور يقصد فيها (( صقور )) <=== مسوي صقار=== المهم ويقول عندهم من اغلى انواع السلق ودائما يطلعون القنص ومن هالكلام يقول الوالد عنده طير من شده حبه لهالطير حاطه عندنا بالصالة يقول من شدة ماهو ذكي اذا رن التلفون يلقط السماعه ويعطيها ابوي ويحلف انا :129: مفتح عيوني ومو مستوعب الشلخه او الصدمه هههههههههههههههههههههههههههههههههههههههه قلت له شدعوه عمري ثلاث سنوات تلعب علي رح رح بس شفلك طعوس مثلك هايط عليهم حلوه هذي يلقط السماعه ويعطيها ابوك لو قايل لي قرد يمكن اصدق هههههههههههههههههههه السالفة الثانيه :_ عندنا جار لنا حساوي وفجأه الرجال صار يتكلم بدوي وفجأه طق له لاندكروزر وشوي ويطق له صقر المهم يحط الصقر معاه بالسيارة ويفتر فيه عشان الناس تقول مشاء الله شكله صقار وهو من كم سنه يحذف نعاله على شجر الكنار واللوز <== حركة مبزره === ماعلينا المهم جاء هذاك اليوم وياخذ عيال خواته معاه للبر وياخذ حمام عشان يطيرهم ويخلي الصقر يصيدهم يقال له يبي يدرب الطير يوم فك الطير رجعت الحمامه والصقر الى يومكم هذا ما احد يعرف عنه شي هههههههههههههههههههههههههههههههههههههههههههه يقول ولد اخته ضحكنا عليه ضحك يقول الظاهر البزران مخرعينه اقول في خاطري ماخرعه الا شعرك اليابس بس السالفة الثالثه :_ واحد يقرب لي شايب الله يرحمه توفى هذا له سالفه نكته بجد عنده وانيت لونه ازرق نظيف بس يوم كبر بالسن فصل مخه الرجال هذاك اليوم جالس مع عياله الا يكلمنا انا بالمرور تعالوا لي المهم رحنا له الا الحبيب صادم اشارة طبعا عياله طلعوه بكفالة ودفعوا قيمة تصليح الاشارة مبلغ وقدرة المهم ويمر تقريبا شهر او اكثر ويصدم في نفس الاشارة اللي صدم فيها من اول هههههههههههههههههههههههههههههههه ويدفعون قيمة الاشارة وتمر على السالفه كم شهر ويصدم مره ثالثه في نفس الاشارة هههههههههههههههههه المهم من بعدها عياله سحبوا السيارة منه وصار اذا بغى مكان يوصلونه والله شغله كل مره بنفس الاشارة على الاقل غير اصدم بنقالي ههههههههههههههههههههههه السالفة الرابعه :_ عندنا بالحارة شباب ثنيين واحد حساوي والثاني خالدي هالاثنيين مسوين فيها فتوه على قولة اخواننا السوريين ابطاي المهم اثنينهم وقفوا عند مطعم وكانت سيارة الخالدي ونزل يطلب من المطعم وقفلوا على سيارة قالهم فلبيني راعي السيارة انا في يطلع قال له الخالدي انثبر بس في سيارتك لا افرك وجهك الله يرجه نقار الخشب <== عيارة الخالدي لان خشمه طويل === ههههههههههههههههههههههههههههه المهم صفط الفلبيني وبيدخل الطعم شوي الفلبيني طنقر على الخالدي وجالس يهاوش ورجع الخالدي يبي يجلد الفلبيني توه رافع يدة الا الفلبيني عطاه رفسه على الوجه الا هو طايح مغمى عليه وينزل الحساوي ويفصخ الزبيريه يبي يجلد فيها الفلبيني عنبوك رافعه على صرصور المهم ويسوي حركه الفلبيني ويعطي الحساوي كف بس برجله وكم رفسه على الراس وطاح الحساوي مغمى عليه جمب خويه هههههههههههههههههههه طلع الفلبيني يلعب كراتيه والله شلخهم تشلخ عاد الضحكه اذا تلاقيت فيهم اقولهم اجل جلدكم الفلبيني يقول جلد هذا وهذا يقول قسم بالله انت اللي طحت واغمى عليك اشبها بينهم وامشي واخليهم ان شاء الله ماطولت عليكم |
جيت أهنئ صاحبي على افتتاحه للمدونه
وما شاء الله أثر له شعبية راعي الكماروا لقيت كم تهنئـيـه وتعابير بأقـلام مـلونه والسـواد الأعظم أسود وراعي الخماروا |
ههههههههههههههههههه
الله يرجابليسك انت وسواليفك ابي سواليف عن اللحوج اللي تموت فيهم |
الله يعافيك اخوي الغالي كحيلان
|
الله يبارك فيك هادئه المشاعر تعرفين تعرفين سوق الاسهم مو فاضي
|
الله يبارك فيك اخوي اللحجي خواطر منور بطلتك
|
الله يبارك فيك اختي رفيدة الانصارية
|
الله يبارك فيك ملاك
|
مشكور اخوي ابـو حـمـود على مرورك مدونتي المتواضعه
|
مبروك عليك المدونه اخوي راعي التاكسي هع
بانتظار قصصك الرائعه والظريفه جعل ايامك سعاده تقبل مورروي |
http://www.a5fi.com/vb/a5fi/smile/start_2005092721.gif.. راعي الكماروا مبروك أفتتاح المدونه http://www.a5fi.com/vb/a5fi/smile/start_2005092721.gif
|
الف الف مبروك على المرور
عقبال العيال هع هع |
الله يبارك فيك فزاعه الهنود منوره بطلتك
|
الله يبارك فيك كنز الغلا اشرقت الانوار بطلتك
|
الله يبارك فيك عذبة الروح منوره بوجودك
|
استنزال الطقاقات
القصة هذي صارت لخالتي بالجبيل كانت معزومه على عرس ناس في حارتهم المهم والله تكشخت وراحت هي وزوجها للعرس طبعا لا يخفيكم الضيافه عند الحريم هذي شايله سلة شوكلاته من الماركه الفلانيه وهذي شايله سله يسمونها شعبيات وهذي شايله سله فيها شوكلاته عليها اسم العروسين خبركم اذا زادت فلوس الواحد هههههههههههههههه المهم بعد العشى طبعا هذيك البوفيهات اللي يحبها قلبكم وبعد العشى صاروا يوزعون الحلا تحصل الحريم شبعانه وكرشها بينفجر من الاكل كأنها مفجوعه عشان تحر باقي الحريم اللي ماراحوا العرس والله حطوا ومابقوا ومن هالكلام المهم تجيك كل ثلاث او اربع حريم مرتزات على طاوله وحششش وقرض بأهل المعرس واهل العروس والمعازيم شوفوا هالدبه هاللي ترقص تروج كأنها بركة اطفال اذا تعبت ماء وهذي شوفي هاالعصلا اللي مطلعه كتوفها وهذي تقول شوفوا بس ام المعرس شلون ترقص كأنها خيشة رز باب الهند وهذي تقول شوفوا هذي بويه وهذي قصة شعرها كأنها نسر وصخ عاد ماعلمكم شغلكم يالحريم ياحبكم للحششش زبدة الموضوع في الطقاقات الطقاقات حاجه ثانيه العرس واهل العرس في كوم والطقاقات في كوم كل الطقاقات لابسين باروكه هذي شقرا وهذي حمرا وهذي صفرا وهذي باروكه ورديه شوفوا بس تناسق الالوان طقاقه خاله وباروكه ورديه المهم يوم حمااا الطق على اخر الليل بدا الاستنزال والضحكه كل ما استنزلت طقاقه طارت الباروكه فوق وطلع الفلافل انا اللي ضحكني خالتي تقول شدني حركة طقاقه وهي ماسكه الزير حركاتها زي حركات ابو رايش اللي مع رابح صقر شوي الا استنزلت وطارت الباروكه الشقرا وطلع الشعر العبل شوي الا الصاله كلها مستنزلين خالتي من الخوف لبست العباة وينك يالشارع ركبت مع جارتهم توصلها للبيت وزوجها جالس ينتظرها برا الصالة مسكين عجز وهو يتصل عليها بس ازعاج الصالة قال خلني انتظر جلس ينتظر وراح يسأل البواب لين قال خلاص مافي احد شوي اتصل عليها قالت انا بالبيت زين ماشنقها ههههههههههههههههه والله ما الومها الخوف . ان شاء الله ماطولت عليكم |
وراح يسأل البواب لين قال خلاص مافي احد شوي اتصل عليها قالت انا بالبيت زين
ماشنقها ههههههههههههههههه والله ما الومها الخوف . هههههههههههه الله يرج خالتك خلته يستنى كل هالوقت بس ماتنلام حلووه القصه مره تقبل مروروي |
يسلموووووووووووووووووا على هالطله الحلوه فزاعه القلوب
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
