منتدى الخليج - لب الندآ .. يا سارق القلب لبه

منتدى الخليج (https://kleej.com/vb/index.php)

- - لب الندآ .. يا سارق القلب لبه (https://kleej.com/vb/showthread.php?t=51949)

لب الندآ .. يا سارق القلب لبه

]

http://www.q8boy.com/images/hlidl9boib02ttgt4kx.gif
http://up.z7mh.com/upfiles/eoi21570.jpg

قالوا تحب .. وقلت وين المحبه
اقفلت قلبي للصيانه ولا زال !!

اهديته لواحد خذاه ولعب به
ولا رجع الا وهو حالته حال

لكن بخير .. ونبضته مستتبه !!
من عقب ما جددت فعروق الآمال

أسبر على مشراف حزني وآذبه
وآراقب همومي من الجال للجال

قدلي ثلاث سنين وآنا مسبه
قهوتني اللوعات .. فنجال فنجال

يا خاطري .. لا غثك الحزن خبه
دام الهوى كله مشاريه واهمال

يسهر خفوقي .. والمحاني مشبه
ويدفى على جال المعاليق يختال

الوصل .. لحظات اللقاء بالاحبه
ماهو مواصل في .. رسايل وجوال

بملى لك الخافق غلا .. وانت كبه
على يدين الوصل يا شاغل البال

اكبر دليل ان المشاعر تنبه ؟؟
وان المحبه ما تجي غصب واذلال

شخص قبل لا تلتقي به تحبه !!
وشخص قبال العين ما هز مثقال

لب الندآآ .. يا سارق القلب لبه
باعطيك عمري .. بس تعطيني وصال

لا شك طيبك .. طيب منهو مربه
متوارثه من طيب عم .. وكرم خال

العمر يمضي .. والامل الف غبه ؟؟
مليت رمضآ الهم .. وابغي لي ظلال

يا غيم .. واللي فيك من .. ماي صبه
ارو الثرى .. واسق الضمآ وانطح الفال

ريح المطر .. يوم الهبايب تهبه ؟؟
قطراته تقول لخفوقي .. وش الحال

والحال داري ويش عوقه وطبه
من دون لا ادورّ ومن دون لا احتال

اذا لقيت اللي يعجبني .. بـ آحبه

وان ما لقيته بشتري .. راحة البال

http://www.q8boy.com/images/kfxurbcotrok0bw7fu60.gif

]