منتدى الخليج - مدامك عارفه طبعي . أجل وشوله الحيره

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - مدامك عارفه طبعي . أجل وشوله الحيره (https://kleej.com/vb/showthread.php?t=65518)

مدامك عارفه طبعي . أجل وشوله الحيره

http://dc05.arabsh.com/i/03638/xqpt3a9jwmwx.bmp
http://grenadine.g.r.pic.centerblog.net/v6lhrso9.gif
http://www.7ezan.com/up/uploads/13277073341.jpg
http://grenadine.g.r.pic.centerblog.net/v6lhrso9.gif
مساء الخير هالمره بـلاش آسـف علـى التأخيـر
مـدام الـرد بعيونـك دمــوع فـكـل تأخـيـره

ثقل دم العذر ، والا كسـح وجـه الخطـا تبريـر
مدامك عارفـه طبعـي . أجـل وشولـه الحيـره

ترى ماجيت لجل اسمع سواليفـك عـن التقصيـر
أعرف ان الخطا منـي (بـلاش نعيـد هالسيـره)

انـا وانتـي بهالدنيـا تحملنـا بعضـنـا كثـيـر
تعوّدتي على عنـادي ، وصـرت آحـب هالغيـره

انا وانتي حكايتنا مثـل : صـدر السمـا والطيـر
كثيـر اللـي يطالعهـا ،، ولحـدٍ طالهـا غـيـره

انا وانتي حكايتنا .. مثـل لعبـه ، وطفـل صغيـر
مـع انـه دوم يهملهـا رفـض يسمحبهـا لغيـره

انا وانتي .. وش اوصفلك ؟ عجز عن وصفنا تعبير!
مثل ! مدري ! مثل وشو ! ولكن صعـب تصويـره

انا وانتي بـلاش انتـي أنـا لـو بفقـدك شيصيـر
ومجـرد طـاري الفرقـا علـي ياصعـب تأثيـره

أحبك ؟ ايـه أحبـك .. ذي بعـد يبغالهـا تفكيـر
يخلـف الله علـى عقـلٍ ملكتـي كــل تفكـيـره

تعالي .. نحترم ( شيبة غلانا ) .. لعنبو التصوير!!
تعالـي نغتنـم فرصـة لقانـا دامهـا قصيـيـره

ومساء اللي تبي ، حاضر ولاتزعل ( صباح الخير )
أنا كـل يـوم بتأخـر .. اذا فـي دمعتـك خيـره
http://grenadine.g.r.pic.centerblog.net/v6lhrso9.gif
http://www.youtube.com/watch?v=5Z_o6...yer_embedded#!

http://grenadine.g.r.pic.centerblog.net/v6lhrso9.gif
http://dc05.arabsh.com/i/03638/eyknnci8ely5.bmp