ديك يبيض في الامارات والله حاله...
 

ادري العنوان شدكم كثير بس وش اسوي هذا احسن عنوان فكرت فيه

والله يعينكم يااهل الامارات على البيض..

خلال 3 اسابيع يرتفع سعر طبق البيض من 10 درهم الى 20 والان يرتفع الى 25 درهم

ليه يعني دجاجنا غير دجاجهم صارو يتدلعون مايبيضون وخل التبيض على الديوك

والله كل شي جايز وعجبي شوف واسكت والا شوف وقول الحمدلله على نعمة الله




http://213.132.44.184/emaratalyoumne...11_002_001.jpg

الله يعين ..

الحمدلله أنا مب من أكلين البيض :) فيعني جيه ولا جيه ما همني ...


ما عليه هم يزيدون الرواتب ويزيدون الاسعار الله يعين الأهالي بس ... بشيب راسهم

الله يكون في عونكم ياأهل الإمارات
ولا تستغرب أخوي بتار من الزيادات في الاسعار
ماتسوى عليه زيادة في الراتب

الله يعينهم

يعني جات على الامارات

هنا بعد يزيدون الراتب ويطلعون الدبل في اسعار السلع

الله المستعان بس

بتار بن زايد

يعطيك ربي الف عافية على الخبر






تقبل خالص احترامي

اللهـ يعين الجميع لان كل شيء

الصراحه بدو يرفعون في سعرهـ

تشكر خيووووو

لما زادت الرواتب ارتفعت الاسعار وطبعا التجار هم المستفيدين لأن البيض من الضرورات
ومن يومين قريت خبر في الجريدة بأن الدولة بتستورد بيض من الاردن واذا تم تطبيق هالكلام
بيرجع سعر البيض كما كان ،، والله يكون في العون

من القصص الطريفة اللي حصلت بسبب ازمة البيض
وحده من ربيعاتي راحت مره الجمعية عشان تشتري بيض ،، خذت كرتونين
وهي تمشي تشوف الهندي يركض وراها مدام جيب واحد كرتون ،، لما سألته
قال كل نفر ياخذ واحد كرتون مافي يشيل 2 كرتون ،، استغربت ربيعتي قالت له ليش انزين
قال اذا انتي يشيل 2 ونفر تاني يجي يشيل 2 ،، بيض خلاص و نفرات يجي بعدين مافي يحصل

السموحه ع الاطاله

بنت الشيوخ
نفر صار يحكمنا شكله هههههه
تسلمين على المداخله الطيبه

يمكن ياكلون الدجاج ذهب واحنا ما ندري والله تستوي

الزياده بعدها ما نزلت وكل شي ارتفع

ماشي غير يرجعون كل شي نفس ما كان ولا جنه شي استوا وكذا بنكون مرتاحين والله


وتسلم اخوي على الموضوووووووووووووع