منتدى الخليج - ناس ٍمن الطيبة كسبنا غلاهم

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - ناس ٍمن الطيبة كسبنا غلاهم (https://kleej.com/vb/showthread.php?t=103076)

ناس ٍمن الطيبة كسبنا غلاهم

للي لهم بالقلب حشمه ومقدار
.... ناس ٍمن الطيبة كسبنا غلاهم

الهم بروحي جملة قصور واسوار
...... . حب ٍتعلا فوق طيبة نباهم

حب ٍختم بالنبض بصمات الاسرار
.... الهم مكان ٍمايجي له سواهم

مرفوع بالعالي مثل طير صقار
..... طفيت شمعة واشعل نوره سناهم

ما يلحقه شك ٍ و لا بالوفا عار
... . عليه قلبي راضي ٍ من عطاهم

صافي صفى السما بلاعج وغبار
..... مزروع وسط الروح بالدم داهم

ابيع لـ جله كل ماكر وغدار
..واشري غلا اللي قد سكني هواهم

ناس ٍبهم صدق ٍمع الثقل قنطار
...... طيب ومراجل للمواقيف فاهم

قلبي فتح لعيونهم داخله دار
....بالصدق شفته في خبايا خفاهم

مايلحقه لومي ولاني لهم ضار
..... عند الوفا صادق وطيب ٍحكاهم

ياللي تغنون القوافي بالآشعار
... حرفي نظمته في مداره غلاهم

الطيب معدنهم على كل دوار
...محمي بعهد الود جاني صفاهم

اطلب من الله حامي ٍكل صبار
.....تعوض تعب قلبي بلحظة لقاهم

وترزق بروحي فرحتي بكل الآنوار
....تشرق سماء روحي بطيب ٍكساهم

بنثر ورود بكل شارع و مرار
......تزهر مداينهم وينْور سماهم