منتدى الخليج - صدمه تجيك من ابعد الناس تجرحك

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - صدمه تجيك من ابعد الناس تجرحك (https://kleej.com/vb/showthread.php?t=117467)

صدمه تجيك من ابعد الناس تجرحك

صدمه تجيك من ابعد الناس تجرحك

يمكن تعديها بْ حسبة ثواني*

لكن لَ جتك من اقرب الناس تذبحك
عشان تنساها ... تبي عمر ثاني

ياقلب انا كم لي اعاتبك وانصحك
واقول لك ياقلب وانت تعصاني

اتعب على اللي كل ماجيت يفرحك
لاتضيع ايامك ترى العمر فاني

اللي يبي يخسرك ماراح يربحك
واللي يبي يربحك لاجلك يعاني

واللي يبي يسترك ماراح يفضحك
يفضحك من يرضى عليك الهواني

واللي يبي يشتمك مراح يمدحك
حتى لو انك مجني تصير جاني

واللي يبي قربك لو ابعدت يسبحك
حتى لو انك بحر مابك مواني

واللي يبي بعدك لو يدل مطرحك
ماجاك لو كنتم قراب المباني

اتعب على عيون ليا جات تلمحك
تلمح بنظرتها لقدرك معاني

ولاتقرب مبعد القلب تلفحك
هبايب الصدمات سم المحاني

صدمه تجيك من أبعد الناس تجرحك
يمكن تعديها بْ حسبة ثواني*

لكن لَ جتك من اقرب الناس تذبحك
عشان تنساها ... تبي عمر ثاني

يا قلب ريحني عشان اريحك
بيت الصحيح .. ولا بيوت الاماني!!