طريقة المقصقص اليمني مع الشاي العدني بالصور
السلام عليكم ورحمة اللة وبركاته اليوم معنا لكم طريقة الخمير او احنا نسمية مقصص وهو اكله يمنية نسويها غالبا بعد المغرب مع الشاي الحليب ( الشاي العدني ) المقادير بيالتين سمن( ضروري سمن لايستبدل باي شيء ثاني ) ملعقه صغيرة ملح ملعقه صغيرة خميرة فوريه ذرة قرفه مطحونه وربع ملعقة صغيرة هيل مطحون وشوية حبة البركه كاسه دقيق بر وكاسه دقيق ابيض و3 ملاعق حليب بودر او اعجنيها بالحليب السائل بدل الماء 3 ملاعق سكر ( او حسب ما تحبي الحلا ) الطريقة انخلي الدقيق وحطيه في الصينيه اللي بتعجني فيها ومعاه الملح والسكر والهيل والقرفه وحبة البركه تسخني السمن على النار الى ان يذوب ويكون حار ... تصبيه على طول فوق الدقيق وهو ساخن ... وتحركية بين الدقيق ... وتفركي السمنة كويييس مع الدقيق .. الين يتجانس كويس ومايكون في اي تكتلات .. وهذه اهم خطوة عشان يكون المقصقص مقرمش بعد هذا تضيفي الحليب والخميرة وتعجنيها بمويه ... بس العجينه تكون قاسية مو طرية ... وتستمري بالعجن جيييييدا وتحصلي على هذه العجينة غطيها كويس وخليها ترتاح وتختمر حوالي الساعه... تصير كذه http://www.lakii.com/img/all/Nov06/YrsLzR11252033.jpg بعدها .. قمسيها كور صغيرة http://www.lakii.com/img/all/Nov06/PjjYMz11252033.jpg وافرديها ... بالنشابه كويس .. لاتخليها رقيقه ولا ثقيله خليه وسط ( او حسب ما تحبي يكون سمك القطعه) http://www.lakii.com/img/all/Nov06/eUWWfb11252033.jpg الحين تقطعيها بالحجم اللي تحبي http://www.lakii.com/img/all/Nov06/nHm1O711252034.jpg تاخذ القطع وتقليها في زيت حار غزير .. ومجرد ان تحمر تقلبيها http://www.lakii.com/img/all/Nov06/j80NBp11252034.jpg وتطلعيها وتحطيها على روق ماص .. وتقدميها مع الشاي العدني .. http://www.lakii.com/img/all/Nov06/X89sKq11252034.jpg طريقة الشاي لعدني كاستين ماء + 2ملاعق كبيره سكر +2ملاعق كبيرة شاي بودر + حبتين الى ثلاث حبات هيل + رشه صغييييييرة قرف = تحطيهم مع بعض في البرادعلى النارالى ان يغلي وطي تحته وخليه يتقلب كويس لين يثقل .. بعدين حطي عليه حليب مركز مثلا ابو قوس او اي نوع تاني الكمية اللي تحبي بس مايكون كل العلبه لانها كثيره على هالمقدار وطفي تحته وصبيه وقدميه مع المقصقص بالعافيه منقول |
رد: طريقةالمقصقص اليمني ...مع الشاي العدني بالصور
تسلمين خيتوو ع طريقه
والله يعطيك الف عافيه |
رد: طريقةالمقصقص اليمني ...مع الشاي العدني بالصور
يسلموو ع المقادير والطريقه
يعطيك العافيه حفظك المولى |
رد: طريقةالمقصقص اليمني ...مع الشاي العدني بالصور
ملكة المنتدى ..
يسلمو لطرح الطريقه والمقادير .. وربي يعطيك ألف عافيه |
رد: طريقةالمقصقص اليمني ...مع الشاي العدني بالصور
ملكــه المنتدى ..~
كل الشــكر لج يالغلاا ع الوصفــه .. ويعطييج ربي العافيــه :20: |
رد: طريقةالمقصقص اليمني ...مع الشاي العدني بالصور
العيون البااكيه
ألف شكر لج على المرور العطر |
رد: طريقةالمقصقص اليمني ...مع الشاي العدني بالصور
كنز الغلا
ألف شكرلج على المرور العطر |
|
جميع الحقوق محفوظة لـ منتدى الخليج - © Kleej.com
( 2007 - 2024 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى