|
قل لي وش اللي غيرك لاتكابر
دام العتب في سلم الأحباب مسمـوح قل لـي وش اللـي غيـرك لاتكابـر أصبحت انا لك روح وانته لي جروح وانا اندب الفرقى واجامـل وصابـر الى متى اقبـل علـى البـاب واروح احسب مسافاتـي واعـرف المعابـر وانا الذي غنيت مـع ساجـع الـدوح وعليت لك من فيض شعـري منابـر احرص على عشقك واعلي به صروح وجزيتني كني معـك شخـص عابـر اجي وانا مجـروح واروح مجـروح خابـر بنيـاتـك ولانــي بخـابـر الجسم حـي وداخلـه قلـب مذبـوح وكسرت رجلٍ مالقـى اليـوم جابـر كانك تبينـي افضـح السـر وابـوح والـوم دور الوقــت واقـول غابـر حنا عرب والسر من دونـه الـروح وصـدورنـا للهم مـثـل المقــابــر مانخلف النيـه ولـو فيـه مصلـوح والغــدر مالـه عنـدنـا أي دابــر وان كان جايك من على الهرج مشفوح اللي على النـمـه لـهـم شبـر شـابــر بعطيك علم وعادتـي ابعـد الشـوح تـرا المظاهـر ماتعكـس المـخـابـر بصبر ولو صدري على حبـك يفـوح وابقى على الهقـوه كتـوم و مثـابــر عل الفرح فـي مقبـل أيـامنـا يلـوح وانسى الهمـوم اللـي عليـه تسابـر وان كان همك تستمع لي وانـا انـوح فانـا همـومـي مــاحـوتـهـا المحـابـر |
رد: قل لي وش اللي غيرك لاتكابر
يسلمو نوف
على وضعك هذه الكلمات الجميلة ويعطيك ألف عافية |
رد: قل لي وش اللي غيرك لاتكابر
يعطيك العافيه على الطرح الجميل
|
رد: قل لي وش اللي غيرك لاتكابر
يسلمو على طرح الكلمات
ويعطيك ألف عافية |
رد: قل لي وش اللي غيرك لاتكابر
شكراً لطرحك الكلمات
يعطيك ربي العافية |
رد: قل لي وش اللي غيرك لاتكابر
ربي يسعدك على هالطرح
|
رد: قل لي وش اللي غيرك لاتكابر
يعطيك العافيه
تسلم الايادي |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
