|
البنات ضعيفات
قالت لي...( ياشاعر...؟!) قلت...سمي... آمريني"" قالت لي...(سولف...!) قلت...أسولف...؟! قالت...( إيه ) قلت...أسولف...؟! ويش أقول...؟! قالت...(اللي في خيالك...! ) قلت...واجد...! قالت...( أسمع...بس قول...! ) قلت...أحبك...!! قالت...( آها ) قلت...بس قالت...( الواجد صفى بكلمة أحبك...؟! ) قلت...يووووه..!! قالت... ( أيش...؟! ) قلت...لوتدرين عن كلمة أحبك... كان هالقلب الصغيّر في وسط صدرك يذوب...!) قالت...( أوووووف...! إنت من جدك تكلم....!!أو كذا الشاعر...كذوب...؟! ) قلت...ياملح البنات... أشتهي سكر نبات...!! لوتعرفين الغرام كان ماقلتي كذا... ولاتركتيني أموت بس عادات البنات...ياكذوبٍ...يالعوب...!! قالت...( أوووووه... هن كذا كل البنات...؟! نظرتك مرّة صغيرة...!! وحكمك القاسي ... كبير والبنات ضعيّفات... قلوبهن داااايم صغار... تمتلي شوية عواطف...وحلم مدري كيف صاير دايم يسموه وردي...! وضحكةٍ فيها ألم وإنتظار... وأُمنيات... وودي تسمح لي أقولك إنت جاهل بالبنات...!! صحح النظرة شوي... ليش تتكبر عليهم...؟! إنت ياعمري ضعيّف... ومثلهم قلبك رهيّف... ويمكن أفكارك شتات...!!) قلت...والله شيء ممكن...!! ناظرتني...وضحكت... قالت...( أدري بك تتريق... وما يهم...خذ راحتك...!! بس صدقني عزيزي... ماهنا فرقٍ كبير... كلنا نبقى بشر... لاعيال...ولابنات...! ) قلت...يعني قصدك أيش...؟! قالت...( أقصد شيء واحد... الهوى يبغى ثبات... أنت وافي في غرامك...؟! أنت صادق في كلامك...؟! ياالله جاوبني بصراحة...! لوكذا... فعلاً أحبك... خذ من أشواقي بحر... خذ حنان... خذ غلا يجري نهر... بس لاتبخل علي مثل ماتاخذ مشاعر خذ بكيفك...لين تشبع... بس هات...!! ) قلت...ياالله... يا أنتي حكيمة... قالت...( إسكت... الهوى ماهو قصيد... وكلمة إبداع وحروف... الهوى ياخذ عقول...ولايقول الهوى يذّوب قلوب... الهوى يشقي سعيد... الهوى ياشاعري.... الهوى ياشاعري... الهوى ياشاعري...!! ) ثم سكتت...!! قلت...هاه.. كملي ياأحلى البنات... وشفت دمعتها على الخد أقبلت... قلت...آسف... قالت...( لا... لاتأسف... ذي من دموع الهوى... ماهيب منك... الهوى لازم هو اللي ينحني لي... وايتأسف... أنت مالك ذنب... أنت مثلي... الهوى يبقى العدو...للرجال...وللبنات...!!) قلت...طيب كملي... الهوى ياشاعري... الهوى ياشاعري... الهوى ياشاعري... كمليها...!! الهوى أيش...؟! ماتت الدمعة بمنديلٍ رمادي... وناظرتني... ثم قالت... ( الهوى ياشاعري... قول...وفعل...!! ) قلت...ياالله الثبات... |
رد: البنات ضعيفات
يسلمو مجازف
على وضعك هذه الكلمات ويعطيك ألف عافية |
رد: البنات ضعيفات
يسلمو على طرح الكلمات
ويعطيك ألف عافية |
رد: البنات ضعيفات
شكراً لطرحك الكلمات
يعطيك ربي العافية |
رد: البنات ضعيفات
كل الشكر ع الكلمات الجميله
ويعطيك الف عافية |
رد: البنات ضعيفات
يععطيـك الـعـافيـهَ ع جمَ ـال طرحـك..
|
رد: البنات ضعيفات
اقتباس:
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
