منتدى الخليج - قم عزّني ما حدٍ غيرك يعزيني

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - قم عزّني ما حدٍ غيرك يعزيني (https://kleej.com/vb/showthread.php?t=124431)

قم عزّني ما حدٍ غيرك يعزيني

ياصاحبي لا تبارك لاتهنيني
ما أحب روحك بها الموقف رياضيّه
قم عزّني أو عسى الدنيا تعزّيني
لا من فقدتك وغيرك شابك ايديّه
لازلت ذيك الجزوع اللي تبكيني
نظرة وداع وتستدعي الشجن فيّه
لاقلت: أحبك، ولا أحدٍ غيرك بعيني
قالوا: غريره، ضعيفة راي وبنيّه!
أمشي معاهم وتذكارك يباريني
كنّه غريسة رجا بالشوق مرويّه
يا مكتشف منجمٍ للعاطفه فيني
وطيت فيضه مهي قبلك بماطيّه
أنا قصيدة وشعرك راح يرويني
ترجيع مسحوب وتنهيده هجينيه
ياغمّة الحب علّك ماتعديني
روحٍ تحبك شرف تبقى شقاويه!
تناثرت من مراكب عمري سنيني
وذابت صحيفة هوى ماهيب مقريّه
كن السعاده أناملها تعاديني
وكن الفرح كارهٍ لدروبنا الجيّه

لاتقول تلهين بالدنيا وتنسيني
وشلون أبنساك ولحبك أنا حيّه
قم عزّني ما حدٍ غيرك يعزيني
قلبي التفت لك وغيرك شابك ايديّه