منتدى الخليج - سلطة الشاورما با الخطوات المصور

السلام عليكم ورحمة الله وبركاته

السلطه راح تكون على شكل طبقات .. يعني حطي طبقه فوق طبقه وبدون خلط اوكي

نجيب المله او الوعاء اللي بنقدم فيه السلطه ..

http://www.3roos.com/up3/shaorma1.jpg

كوب ونص بقدونس مفروم ناعم ..

http://www.3roos.com/up3/shaorma2.jpg

بصل ابيض مقطع لأجنحه نخلطه مع سماق .. ونحطه فوق البقدونس ..

http://www.3roos.com/up3/shaorma3.jpg

بهالخطوه نكون سالقين نص دجاجه وشايلين الجلد و العظم ومقطعينها قطع صغيره مثل الصوره ..
ننقع الدجاج في : (علبة روب + رشة ملح+رشة فلفل اسود مطحون+ عصير ليمونه) ..
الأفضل في بداية تجهيز الطبق نجهز الدجاج عشان نعطيه مجال يتخمر .. و كثر ما خلينه في الخلطه كان الطعم ألذ ..
ناخذ الدجاج .. و نقليه بشوية زبده مع رشة من البهارات اللي تحبينها ..ولو عندج بهارات الشاورما بتكون احلى لكن لا تكثرين .. نقلب الدجاج قلبتين فقط عشان يتحمر ..
ونحطه فوق الطبقه السابقه

http://www.3roos.com/up3/shaorma4.jpg

بطاطا مقطعه الى اصابع او شرائح طوليه .. وممكن نستخدم اصابع البطاطا المجمده ..
ونقليها على جنب .. و نحطها فوق طبقة الدجاج ..

http://www.3roos.com/up3/shaorma5.jpg

في وعاء جانبي نخلط : ( علبة روب + ملعقة مايونيز + ملعقه طحينه اللي نسميها الهرده + فص ثوم مدقوق + رشة ملح + عصرة ليمون )

http://www.3roos.com/up3/shaorma6.jpg

ونحط الخلطه فوق الطبقه السابقه اللي كانت البطاطا ..

http://www.3roos.com/up3/shaorma7.jpg

نرش على الوجه شوية سماق
و ناخذ خبزه نقطعها لمربعات .. اما نقليها او نشويها داخل الفرن
ونحطها على الوجه كآخر طبقه ..

السلطه شوي دسمه وتشبع .. ممكن تسوينها على العشا بروحها