خلّك صبور:

احرص على المسيار يم الجماعه
ُوشارك ربوعك في فرحهم والأحزان

وعطهم من أوقاتك ولو ربع ساعه
وخل الوفاء والطيب لك خير عنوان

واحذر ترى الصدّه تجيب القطاعه
ُومن عاش بالثنتين مفلس وخسران

وخلِّك صبور وخل عندك قناعه ُ
وخل التسامح منهجك سر وإعلان

والرجل لا صار العفو من طباعه ُ
من يفعل الحسنى يجازى بالإحسان

والصمت في بعض المواقف شجاعه ُ
من قبلنا قالوه ذربين الإيمان

وكلمة هلا وابشر وسمعٍ وطاعه ُ
ان ما رفعتك فوق ما نقّصت شان

والوصل فارحامك ترى أكبر طماعه ُ
لو شفت منهم حيف أو شفت نقصان

مش الأمور بحكمتك والبراعه
ُوصلّح وعالج ما حصل قدر الإمكان

وأعمارنا بيدين ربي وداعه ُ
محدٍ مخلد يا فتى طول الأزمان

الشاعر/ عبيد بن فالح أبو جراح أبوثنين
منقول: عواد الهران