|
الحذر ثم الحذر ثم الحذر
جا يني على البريد وحبيت انقله لكم
للحذر كل عام وانتم بخير ورمضان كريم علينا وعليكم حبيت احكيلكم عن موقف صار لي امس في الشارع التجاري بالدمام عشان تنتبهون كنا رايحين هناك ادور سجاد ابغى اشتري ومالقيت شيء عجبني ورجعت السيارة لحالي انا وولدي وزوجي راح يشتري مويه شوي اشوف حرمه تدق على القزاز استغربت وفتحت لها قامت تدعي وتطلب فلوس وكانت تحاول تتكلم لهجتنا بس من كلامها عرفت من اي دولة هي عطيتها من ماعطاني ربي وراحت ورجعت مره ثانيه ودقت على القزاز وفتحت لها قالت افتحي الباب استغربت انا فتحت شوي الا هي حطت يدها وتسحب وانا خفت وصرت اسحب وهي قويه فتحت الباب وصارت ترش بخاخ وانا غمضت عيوني حسيت زي النار فيها ومعاد شفت شي اتذكر اني ماسكه الباب والحمدلله على جية زوجي شافها ماسكه الشنطة وتبغى تاخذ ولدي مدخله راسها من ورايه هو واقف ورى صغير عمره سنه و10 شهور على طول مسكها واتصل على الدوريه وهي تصارخ وانا في خبر كان كاني نمت وجات الدوريه ومسكتها والشرطي حذر زوجي وقال صاير الخطف كثير بهذي الطريقة والحمدلله عدت على خير انا فصلت تقريبا ساعة ولما فقت الا احنا في الطريق رايحين المستشفى ماني مصدقة اللي صار يااخوات انتبهوا الدنيا اتغيرت حسبي الله فيها الله لايوفقها لاهي ولا امثالها ياليتها كانت تبغى الشنطة اللي مجنني اش تبغى في ولدي الله لايوفقها المشكلة اني ماكنت أءمن على ولدي حتى مع ابوه استحاله اخليه واخرتها كنت راح اتسبب في خطفه بسبب غبائي للأسف بعض الاباء ياخذون عيالهم معهم ويتركونهم بالسياره لحالهم وينزلون للبقاله يشترون وبعدين يرجعون للسياره وهذي الحركه جدا خطره للاسف بعض الرجال ماعندهم احساس بالمسؤوليه بالمره انا بزيد على هذا الشي انتبهوا اذا نزلتوا مكان اذا كنت متزوج خل زوجتك تقفل باب السيا ره |
يسلموع التحذير
|
عذبة الروح
والله في هاذي صدقتي كثير الي يسون هالحركه ويتركو الأطفال بالسياره وياليت الكل ينتبه من هالحركه الي يمكن في لحظه تفقدنا ناس نحبهم يسلموو على التحذير يعطيك العوافي |
عذبة الروح الحمدلله على سلامتك وسلامة ولدك وان شاء الله ماتشوفين مكروه
فيه مشكلة ثانيه بعد في سوق الحب في الدمام حرمة من دولة عربيه شقيقة تصطاد الحريم بشكل سريع تجلس تطالع في الحرمة وتتمتم بكلمات لين تصير الحرمه اللي قدامها شبه مخدرة وتاخذ منها فلوسها اللي بالشنطه او تروح معها الى اقرب صرافه وتخلي الحرمه تسحب من الرصيد بدون وعي طبعا السالفه هذي صارت لاخت واحد من الشباب وبعدها عطتها كيس فيه بخور وقالت لها كل يوم تبخري منه وراح وخلتها طبعا بدا يفك شوي شوي مفعول السحر لين قدرت تجلس عند باب محل طبعا زوجها كان يلف يلف يلف وهي تشوفه بس مو قادرة توقفه او تتكلم لين تأخر الوقت وجو خواتها في مكان كان قريب من مكانها حصلوا اللي جالسه عند درج محل ومتمدده من التعب اتصلوا في زوجها وجاء وشالوها على البيت وقروا عليها لين صحت وعلمتهم باللي صار بأنها راحت للصراف وسحبت فلوس غصبا عنها في شي كان يتحكم فيها تقول انا بس اقدر اشوف لاكن حركه ما اقدر الله يحفظنا ويحفظ كل مسلم |
مع الآسف ضعفاء النفوس كثرت في هذا الوقت ويسلمو روابي على هذا التحذير ويعطيك ألف عافية |
http://www3.0zz0.com/2009/08/01/11/892793501.gifعذبه الروح http://www3.0zz0.com/2009/08/01/11/892793501.gif و الله كل شيء يخوفـے هالايام ما في آمان تســــــلمينے أخــتيے علـے التحذير يعطيــــكے ألفــے عافيـــے لـ روحـك :42: http://www3.0zz0.com/2009/08/01/11/892793501.gifدمت في حفظ المولى http://www3.0zz0.com/2009/08/01/11/892793501.gif |
اي والله ماصار في امان يسلموا ع التنبيه يعطيك الف عافيه تحياتي |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
