منتدى الخليج - المقام السامي

ياباذخـه ف الحسـن.. ياسنيـوره
عشقك: وطن... في داخلي مترامي

يا غاية الشعـر وضفـاف بحـوره
واسمى المعاني فـي حضـور إلهامـي

يااحلى تفاصيل المسـا وحضـوره
شفتك؟؟ وضاعت حسبتي وأرقامي

ماشفت لك أشباه ف (المعمـوره)
مثلك!! فلا قد مـر فـي أحلامـي

يومك غديتـي بالجمـال اسطـوره
مـا صوّرتهـا ريشـة الرسـامـي

سبحان منهو صـوّرك هالصـوره
وسبحان يوم انْكَسْتْ لك أعلامـي

ياطاغيـة فـي الحـب يامغـروره
يا اللي قتلتـي جرأتـي واقدامـي!

الشوق ثاير فـي عروقـي ثـوره؟!
والروح دونك تعلن استسلامـي!!

كل المشاعر لـك بَنَـت مقصـوره
في وسط قلبي من ركـام حطامـي

من حسن حظي صرتـي الدكتـوره
وانتي سبايـب علتـي وآلامـي!!!

كل ما طعنتي.. قلت أنا معذوووره
حتى عشقت اسلوبك الإجرامـي!!

وكل ما نشف دمي لنزف شعـوره
اشتاقت أوراقـي لنـزف أقلامـي

يا ام الحـلا وام التـرف وغـروره
كثـر الرجـاوي زوّدت بأوهامـي

القلب بيتـك.. والأمانـي سـوره
والموت رمشك.. والأمل قدامـي!!

آمال تبنـى مـن غـلاك قصـوره
لا تهدمين اللـي انبنـى بأعوامـي

أدري بـأن اليـأس ماخـذ دوره
بس المصيبـه ماتطيـع أقدامـي؟؟

ماجيت أبحكي لـك أنـا فـزوره
هـذي حقيقـة واقعـي وأيامـي

ياما شكيت مـن الغـرام وجـوره
أرجي البراءه / ينحكم بإعدامـي!!

خلي الأمـور الماضيـة مستـوره
وإن ضايقك حكيي.. ماهو بإلزامي

منتـي علـى ماقيـل (دكتاتـوره)
واللي تبينـه افعلـي... مادامـي:

من كل قلبي قلت لك: مشكووووره
وأسمى التحايا.. للمقـام السامـي

للشاعر العذب
عبدالله الظفيري