منتدى الخليج - قالت صغير

قالت : صغير وينك وويـن الاشعـار
توّك ولد عـودك مـن الشعـر ذايـب
قلت العفو : شوفي قصيـدي بالانظـار
تلقيـن فـي شعـري كثيـر الغرايـب
قطفت من روض الشعر حلو الاثمـار
جهـدٍ طبيعـي مايسـمـى عجـايـب
احفظ بحـور منهـا الالبـاب تحتـار
اكتب علـى كـل البحـور الصعايـب
شاعر (عمودي) (شمري) نسل الاحرار
مـن لابـةٍ تعـرف نهـار المصايـب
صار اتكوّن حولي احـزاب وانصـار
وانـا صغيـر السـن مانـي بشايـب
يا ( بنت )فرق الشعر ما هو بالاعمـار
المعرفـه بيـن الخـلايـق وهـايـب
شعري جزل غصبٍ على كـل غيّـار
اللـي مـن الغيـره يشـب الحرايـب
مادام شعـري صـح يُبنـى بالافكـار
واكتب شعر مـوزون يلهـب لهايـب
تطرب له الاسماع فـي سـر وجهـار
ويثني عليه النـاس حاضـر وغايـب
يامـا التمسنـا للحواسيـد الاعــذار
وقلنـا نعاملـهـم تعـامـل حبـايـب
لاشـك زاد الكيـل مـن كـل ثرثـار
مجبور اقـول الحـق مانـي بهايـب
حَطو على الساحه سياجـات واسـوار
مابـاقـي الاّ يمنـعـون الهـبـايـب
عن غيرهم..وامسوا دخاخيـن وغبـار
دخـان وغبـارٍ يحجـب السحـايـب
وان ما بغوا كثر الخساير والاضـرار
يسلـمـون الاسلـحـه والحـقـايـب
هذا تراه اخـر رجـاء واخـر انـذار
ولاّ ( الكتايـب ) تلتحـم ( بالكتايـب)
عندي شراسة ذيب في كـل مضمـار
ولحون ابـن لعبـون فـوق الركايـب
وصبرٍ مثل صبر المهادي على الجـار
لاشك صبـري فـي جميـع النوايـب
واللي يقـول انـي صغيـرٍ بالاشعـار
لا قال: ( تايب ) قلت: انا عنك ( تايب)

مماراق لي