منتدى الخليج - عرس كله على بعضه يلوع الكبد

الســـــــــــــــــــــــــــــلام عليكــــــــــــــــــــــــــــــم

شخباركم يا حلوين ان شاء الله مبسوطين سالفتنا اليوم جد جد جد تلوع الكبد هههههههههههههههههه بجد حقدت على المعرس

مع انه صديقي نشوف احداث القصه مع راعي الكماروا :_

يوم من الايام كان زواج واحد من الشباب رحت الحلاق وخليته يسمكر وجهي وبعدها رحت للبيت اخذت لي هذيك الترويشه

اللي مابغيت اطلع من الحمام الله يعزكم المهم تكشخت ورحت لصالة الافراح وانا اعوذ بالله من كلمة انا فيني طبع خايس

بس الحمدلله اني تخلصت منه احب احش بالناس يعني المفروض انت اذا دخلت صالة افراح المفروض الناس اللي جالسه

هي اللي تحش فيك انا العكس احش فيهم اول ما ادخل واذا ما معاي احد بيني وبين نفسي واضحك هههههههههههههه

(( القرين حقي )) <== مانستغني عن بعض === المهم التفت على جهة اليسار الا كل المعازيم من الاوزان الثقيلة

تشوفون كل واحد جالس معاه 4 او 5 من عيالة نفس الحجم لا وين متمركزين قريب من باب قاعة الطعام عاد انا اقول

في نفسي يخرب بيتكم على بيت العرس على بيت المعرس على بيت خالت العروس <== وش دخل خالت العروس بالسالفه ==

يوم وصلت للمعرس وسلمت عليه وباركت له همست في اذنه في ذمتك احد يعزم فيله بدون خراطيم شوف شلون جالسين

قريب من باب صالة الطعام همس في اذني المعرس وقال اقلب وجهك ورح اجلس لاتفضحنا رحت جلست عند واحد من الشباب

وجالسين حش في المعازيم وضحك ولا في احترام للموجودين قلة حيا عينك عين هههههههههههههههههههههههههههههههه

شوي الا جاء ابو العروس اتوقع طولة متر و22 سم بهذاك البشت الحليبي اللي يخبخب عليه وقال حياكم الله على العشا

وعينك ماتشوف الا النور تخيلوا معاي لمدة دقيقة بس من شاف منكم عالم الحيوان لما يكون فيه قطيع من الجواميس

يشربون من نهر وشوي هجمت عليهم الاسود شفتوا شلون ينحاشون وغبار وراهم صار نفس الشي في العرس اول ما

فتحوا باب صالة الطعام دي دي دي دي دي دي <== اهتزاز الارض === وفي خلال لحظات الصالة مافيها الا انا وخويي

والمعرس واقف هناك معاه ثلاثه اشخاص قلت لخويي الظاهر اليوم مافي عشى قال لا يارجال خلنا بس نروح ندخل

المهم دخلنا الا وش نشوف تخيلوا معاي الحدث كل رجال على سفرة وحوله عياله طاقين التربيعه يعني انسى لك مكان

قلت لخويي صح حنا باركنا ووجبنا قال ايه قلت له اجل مطعم هرفي قريب من الشارع مشينا بسسسس قال لالالالا

بنلقى لنا مكان المهم خويي النذل لقى مكان وزبن بين هالفيله وانا لقيت مكان مع شباب قمة في الكشخه قلت في نفسي

ايه هذولا اللي يفتحون النفس شكلهم ستايل وناس انتيكه جلست معاهم الا واحد يفرك براس الخروف وياكل اللحم

اللي في راس الخروف انا هنا كبدي بدت تقلب شوي الا واحد دخل يده في وطلع لسان الخروف من لغاليغوا يييييييعععععععععععع

المهم جلس ياكل والثاني يقول له قص لي شوي عرفت ان الدعوه لوعة كبد وخياس واروح لدورة المياة الله يعزكم

واستفرغت وانا ماكلت شي بس من هالخايسين اللي لوعوا كبدي بعد فترة قلت للمعرس عن السالفة انبطح في الارض

من الضحك قلت له توبه اجي عرس لكم ولا لعايلتكم مره ثانيه .

تقبلوا تحياتي

راعي الكماروا