منتدى الخليج - يوم شخصي مع صمت الخواطر

إليك يا صمت الخواطر
بل مالقيتوا غيري وهذا واناقايلة ان وراي امتحانات خخخخ:153:
وعااد بحووره وخواطر وفزووعه ماصدقوا ع الله خخخخ

هذه الإسئله آتمنى تجاوزها في يوم واحد فقط
حااااضر يااباشااا خخخ,,
* ماذا فعلتي قبل ساعة ؟
كنت اذاكر ومره تووني مخلصة واصلاا غريبة ع صمت الخواطر انها للحين مارقدت:89:

* أقصر مهمة تقومين بها ؟
الرياضة :74:

* أطول مدة تقومين فيها أما الكمبيوتر ؟
ممم ماعندي وقت محدد يعني ع حسب وقت الفراغ واذا مالقيت حدحذالي اطفر به خخ يعني عادي اوصل ف اليوم 4 او 5 ساعات بس ف النهار وهب متعوده اني اقعد ع اللاب ف الليل ,,>>النوووم سلطاان هع

* كلمة تحبين أن تسمعيها كل صباح ؟
ربي يوفقج

* كلمة تكرهين تسمعيها في أي وقت ؟
مهملة وكسلانه >>هذي اسمعهاا دوم من الواالده خخخ

* أحلى صفة لديك ؟
كل شي فيني حلوو >> امحق خخخ ,, مم يمكن لي حبيت الشخص اعطيه حقه وزود ,, و الكل يعتبرني ملجأ اسراره واني محل ثقتهم ^^
* عيب شخصي تعترفين فيه ؟
حب التملك والانانية ف بعض الاحيان >< ويمكن هالصفة اللي للحين اعاتب اهلي عليها.

* كيف تعبرين عن غضبك ؟
اصيح واجابل مخدتي خخخ

* كيف تعبرين عن فرحتك ؟
بالسوالف وماخلي حد ف حااله خخخ

* هل أنتي صريحه أم كتومه ؟
كتووووووووووووومةومن الدرجة الاولى ومع مرتبة الشرف هع يمكن صعب تلاحظوون هالشي بس هذاا معروف عن صمووته انها تسمع اللي حولها بس صعب ترمس عن اللي بخااطرها..بس لي كانت السالفة تسعدني وتسعد اللي حولي فهالشي يختلف وبالعكس بطلع اللي ف خاطري ,,

* هل تجاملين ؟
مم احيانا بس اشوف عمري جااده ف اغلبية المواقف ,,واعطي ف الويه ..

* كيف تعبرين عن رفضك ؟
بالصمت وماسوي للموضوع سالفة ,, يعني انا عكس اللي يقولون السكووت علامه الرضى والقبول هع ,,

* أحب زاوية إليك في بيتكم ؟
حجرتيه وبس هع والحوي بعد ^^

* أحب شئ في مكان عملك ؟
ربيعاتي :111:

* أقرب صديق لك في الملتقى ؟
ممم بصرااحه الكل شراات ربيعااتي وزوود بس للحين مافي حد مميز عن الغير كلكم ع العين والرااس ,,

* أغلى ماتملكين ؟
امي وابوي وكل اللي حولي وهذي اغلى هديه من الرحمن ,,

* لحظة أبكتك ؟
مرض ابوي والحمدلله ع سلامته.

* ذكرى لاتنسينها ؟
وفاه الشيخ زايد الله يرحمه ,, وبتبقى هالذكرى خالده لاخر رمق ف حياتي ,

* معركة ربحتيها ؟
مايحضرني شي وان شالله لي تخرجت من الجامعة بتكون هذي اعظم معركه ف التاريخ خخخخ

* معركة خسرتيها ؟
ايام الثنوية العامه والنسبة اللي شرات ويهي :28:>>مالت علي ,,
وهذي اعظم معركه ف حياتي وللاسف خسرتها وضيعت كل محاصيل وتعب السنين اللي طافن والحمدلله ع كل حال ,

* حكمة عن الأصدقاء القدامي ؟
ليس كل مايلمع ذهباً ,,

* كم مره تأكلين في اليوم ؟
ولييييه شوو هالفضاايح خخخخ عشرطعشر مره خخخ ,, مم اكل تقريبا ف الجامعة مرتين ريوق وغداا ويوم ارد البيت اتغدا مره ثانية بعد بس ع العصر خخخ وعقبها لاازم اتعشى ,, بس للاسف ف الفتره الاخييره فقدت الشهيه بشكل تاااااام وتقريبا استويت بس اتغدى >< ..

* كم كأس ماء تشربين في اليوم ؟
ابــــــــدا موووووووول مااحب الماي يمكن بالكثير كوب او كوب ونص خخخ يعني اعوضه بفيتامين سي هع ودووم القى هزبة محترمه من الاهل بس عاد شسوي ماحب الماي ولاا اتذكر عسب اشربه خخخ

* كم مره تبدلين مظهرك في اليوم ؟
مافهمت >< ..

* شئ تحرصين على حمله معك في كل مكان ؟
الاذكار بس بديت اسهى عنه خلال هالفتره ,, وفوني ^^ هع ,, وع ايام المدرسة كنت دوووم اشل وياي مصحف صغير بس الحين لا ,,

* شريط أو أسطوانة تعيدين سماعها ؟
دوم احط ف بالي اني لازم اعيش كل يوم بيومه وان هذي الحياه الدنيا مجرد بدايه لحياه ابديه ,, وان اتقي شر من احسنت اليه ,, ومحد بينفعني ف الاخره ,, وعسى ربي يهديني ويجعلني واياكم من اصحاب الجناان ,,

* شخص لا يمكن أن تصادقينه ؟
عدووووي والخاين والجذااااااااب ,, بس يمكن عدوي ف يوم من الايام بيدخل ضمن لائحة الاصدقاء بس الخاااين والجذااااب مااظن:53: هع,,

* عبارة أو حكمة تعجبك ؟
قول الرسول صلي الله عليه وسلم " عش فالدنيا كأنك غريب او عابر سبيل ",,

* آخر لحظة أنزعجتي بها ؟
يوم قالولي ان الكتكوتة "بنت اختيه" تعبااااااااااااانه ومرقده ف المستشفى ,,>>ادعوولها يالحلويين

* آخر لحظة فرحتي فيها ؟
لحظات الفرح مااتنحصر ولله الحمد ويكفي اني للحين عاايشة ومعززه ومكرمه بين اهلي وماشكي باس:19:,,

واخييـــراً ^^ ,, مشكوووور ياااكحيلاان ع الاسئلة الحلوة والخفيفة ونستني قبل الرقااد:127: خخخخ ,,
و ماقول غير الله يساامحك انا الحين فاجه عين ومغمضة الثانية خخخخ>>فيني رقااااااد فضيييع وماصدقت اني خلصت مذااكره ,, لااتنسون تدعولي باجر عندي امتحان خخخ >> تخبركم عن قصة حياتها :8:هع هع ,,
والسموحة ع التاخير بس توني فتحت المنتدى وشفت الموضوع ^^ ,,>>والله يساامحني خخخخ

وشكرا لكم ع حسن القرااءة :185: