|
يا غير مسجل رحله الى الأهرامات
اهلا اهلا بشباب وبنات المنتدى انهاردة جايبلكوا مكان جاااااااااامد موووووووووووت كل الناس بيجوله من اخر العالم وهو كتير مننا عارف اهرامات الجيزة وعارفين انها كانت احدى عجائب الدنيا السبعة التى مازالت موجودة وعارفين اسم اللى بناهم فسبونى اتعلم فيكوا شوية واقؤلكم شوية معلومات عنهم الاهرامات الثلاثة موجودين فى الجيزة هتقولولى مجبتش حاجة جديدة هقؤلكم اصبرو شوية كتير من التجارب اتعملت علشان يعرفوا ازاى الناس بنت الاهرامات دية وازاى نقلوا الاحجار الضخمة دية وفى اللى قالوا انهم بالحبل والسحب والكلام دة كلة لكن اخر ما توصل لة العلماء انهم كان بيبنو منحدر من الطوب اللبن وجسور ويبنوا عليها الهرم وانهم كانوا بيبنوا الغرف داخل البنى يعنى وهما بيبنوا الهرم يبنوا الغرف بالمرة وهقؤلكم قدام على الدليل وبعد ما بيخلصوا الهرم بيهدوا الطوب اللبن دة احنا اول ما هندخل هنلاقى التلات اهرامات وابو الهول قدامهم بصوا علشان مطولش انا هتكلم الاول عن هرم خوفو"الهرم العظيم " الملك خوفو :يعنى اسمة هو الذى يحمينى استغرق بنى هرمة 20 عام كانوا الناس بيشتغلوا فى فصل الفيضان بس يعنى فى وقت فراغهم والسنة عند المصرى القديم بتتقسم الى 3 فصول صيف - شتاء - فيضان بناة 100 الف شخص والناس دية بنت الهرم دة حبا فى الملك لانهم كانوا بيعتبروة ابن الاله ويتكون الهرم من 2مليون و300 قطعة ومتوسط وزن القطعة يصل الى 2ونصف طن واحيانا تصل الى 80 طن يقول هيرودت والعلماء الفرنسيين اننا لو قطعنا الحجر دة الى قطع متساوية يمكننا عمل سور حول فرنسا بارتفاع 3 متر وبيقولوا ان محمد على كان عايز ياخد الطوب اللى مبنى بية الهرم ويبنى بية القناطر الخيرية لكن غير رأية لان من المحجر هتكون ارخص كان يبلغ ارتفاع الهرم 147 متر لكنة اصبح 136 وذلك لان فى العصر الاسلامى اخدوا منة حجر وبنى مبانى اسلامية وهوة اكبر هرم فى الارتفاع بين الثلاثة الهرم دة لية مدخلين هما فوق بعض زى اللى فى الصورة المدخل اللى تحت دة اللى بناة الخليفة المأمون بيقع فى الدور السادس وطبعا المدخل دة اتبنى من الخارج للداخل وهوة دة المدخل الرئيسى دلوقتى لان المبنى الاصلى اللى فوق دة كان متغطى يعنى موش ظاهر اول ما ندخل هنلاقى ممر طويييييييييييييييييييل جدا مائل للأسفل طولة 105 متر وطبعا انت هتنزل على ركبك لانك موش هتعرف تقف وهيوديك الى اول غرفة والغرفة دية غير مكتملة في ممر فى الغرفة دية اسمة ممر الهروب عملة اللصوص اللى كانوا بيدورا على الذهب وبيودينا للغرفة التانية الغرفة دية بيسموها غرفة الملكة مع انهم مش لاقوا حاجة جواها خالص سطح الغرفة بيبقى عامل زى المثلث والغرفة مش كانت خلصت فى البنى وحتى الأن محدش عارف يدخلها واستطاعوا انهم يدخلو كاميرا توقفت الكاميرا على بعد 65 مترعند الحائط دة ها لسة معايا ولا تهتوا فى ممر تالت بيودينا الى تالت غرفة وهية غرفة الدفن للملك وملاقناش فيها غير تابوت التابوت دة بقة حجمة اكبر من مدخل الغرفة طيب ازاى دخلوة للغرفة دة دليل انهم كانوا بيبنوا الحاجة فى وقتها ودة شكل السقف بنوا فوقها 5 غرف صغيريين علشان الهرم مش يتهد عليها كدة خلصنا هرم خوفو قريب من الهرم يوجد مبنى المبنى دة فية مركب مكون من دورين الدور الاول فيه بعض النماذج مصغره للمركب وازاى كانوا بيصنعوها بيقولوا عليها مراكب الشمس حول هرم خوفو فية خمس مراكب بس مش قدروا يطلعوا غير واحدة بس وده مكان الأكتشاف وهية مبنية من خشب الارز قصتها اية المراكب دية بيقولوا انها هية اللى كانت هتنقل الملك الى الحياة الاخرى وهنلاقى حولين الهرم بعض الاهرامات الصغيرة ومسطبات دول لدفن اقارب الملك والموظفين المهمين فى الدولة وهنلاقى مقبرة حتب حرس والدة خوفو مقبرتها كانت فى دهشور بجوار هرم والدة سنفرو لكن هو نقلها علشان مش تتسرق ولكن اتسرقت بس موش كلها والحاجات اللى لاقوها فيها دلوقتى فى المتحف المصرى نيجى على عمو خفرع ودة شكل قمة الهرم كان بيعملوا شكل صغير للهرم من الجرانيت واحيانا كان يطلى بالدهب علشان يعكس ضوء الشمس ارتفاعة 134 متر لو روحنا هناك هنلاقى ان هرم خفرع اعلى نسبيا من هرم خوفو فى الارتفاع ودة علشان هرم خفرع مبنى على هضبة مرتفعة كما فى الصورة ودة شكل الهرم من جوة ودة التابوت بس كان فاضى اقام خفرع بعض المعابد بجوار الهرم لكن دوقتى اصبحت بقايا معبد الوادى للملك خفرع من الداخل . و يتم فى هذا المعبد استقبال الملك اثناء زيارته للأشراف على بناء الهرم أو لاستقبال الزائرين و الوفود بعد موت الملك لتقديم القرابين . و قد عثر داخل معبد الوادى الخاص بالملك خفرع على تمثال من الديوريت موجود الآن بالمتحف المصرى حاليا يوجد داخل هذا المعبد بئر صغيره يروج لها البعض انه إذا ألقى بها شخص قطعه من النقود و تمنى أمنيه فإنها تتحقق نيجى لهرم منكاورع وهوا صغر هرم ارتفاعة 66ونصف متر يعنى نصف ارتفاع الهرمين التانيين ودة يدل ان البلد فى الوقت دة كانت بتمر بازمة اقتصادية ابو الهول اللى بناة هوة خفرع بعد ان بنى التلات اهرمات بقيت قطعة حجر فى المكان كانت مخلية المكان شكلة وحش وكانت خامتها وحشة جدااا قام خفرع خلى الناس تنحتها على الشكل دة واللى حمى التمثال للوقت دة ومخلهوش يتهد انه معظم الوقت كان مدفون تحت الرمال طولة 60 متر وارتفاعه 20 متر وهوة وجه انسان وجسد اسد طيب لية اختاروا الشكل دة حتى ياخذ قوة الاسد وحكمة الانسان حتى يحمى مجموعة الاهرامات الوجه يرتدى القلادة الملكيه وكانت لة لحية توجد الان فى المتحف البريطانى فى لندن ارتبط بة كثير من الاساطير حيث انك تجد امامة لوحة من الجرانيت"لوحة الحلم" لتحتمس الرابع من الاسرة ال18 يقول فيها انة كان راجع من رحلة تعبان فنام تحت ابو الهول فخير اللهم اجعلة خير جالة فى الحلم عمو ابو الهول وقالة "لو انت شلت عنى الرمل دة انا هخليك ملك على مصر" وبالفعل دة اللى حصل لو لاحظنا هنلاقى ان انف ابو الهول موش موجودة فى ناس بتقول ان نابليون هوة اللى كسرها لكن دة موش صح الصح هو: ان فى واحد من الصوفيين اسمة صائم الدهر اعتقد انة تمثال للعبادة زى الاصنام كدة وحاول يدمرة لكن مقدرش غير على انفة فقط وبكدة تكون خلصت رحلتنا انهاردة كده انتهت الجوله و اللى يحب يروح يركب خيل أو جمال يتفضل بس يخلى باله ومش تتاخرو ا على ميعاد المرواح الساعة 5 قدام الهرم الكبير هنتحرك انا عارف رغيييت كتييير اوووى انهاردة بس يارب اكون شرحتلكوا كويس ووفيت المكان حقة وموش تهتوا منى واستنوووووووووونى الجمعه الجايه ومكان جديد مع رحلات جميله لام الدنيا مع تحياتى مشرف الرحله طائر الليل |
رد: يا غير مسجل رحله الى الأهرامات
كفيت ووفيت اخوي
ما قصرت في المعلومات و الصور ومصر ام الدنيا الكل يحب يروح لها تسلم و يعطيك الف عافية ارق التحايآ |
رد: يا غير مسجل رحله الى الأهرامات
يسلمو طائر الليل
على وضعك هذه المعلومات والصور الجميلة والرائعة ويعطيك ألف عافية |
رد: يا غير مسجل رحله الى الأهرامات
يسلمواااااااااااااااااااااا
تقبل مروري ويعطيك العافيه |
رد: يا غير مسجل رحله الى الأهرامات
شكرآع الرحله الجميله ويعطيك الف عافية وناطرين بعد رحله جديده </b></i> |
رد: يا غير مسجل رحله الى الأهرامات
مـعـلـومـآت وصــور مـرِهـ رِوِوِعــِـِـِہ
يـعطيـ?ً آلـعِ’ـآإفـيـہ |
رد: يا غير مسجل رحله الى الأهرامات
طائر الليل الف شكر على المجهود الرائع يعفيك ربي
|
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
