|
دخيلك بس لا تبكي اذا شفتي بي الدمعات
هذه قصيدة كتبها شاب تعرض لحادث سيارة وكانت معه أمه فتوفيت وبقي هو علي قيد الحياة يواسيني وأنا الميت وحالي يجبر الدمعات تسيل من الذي فيني ويبكي وهو يواسيني وأنا أبكي وأتنهد وأرسم بالحزن لوحات يجبروني عشان أمشي ورجلي ما تمشيني قتلت رعايتي بيدي قتلت الحب والرحمات حرمت النفس من حقها وأنا أبكيها وتبكيني وكنه حلم قدامي يقيدني من الصرخات أبي أصحى ولكني عجزت ألقى اللي يصحيني فداك القلب يا يمه ومهما قلت من كلمات صغيرة في كبر حقك بس أتمنى تعذريني نهبت الفرح من بيتي صحيح إني خسيس الذات صحيح إني ولد طايش وكل ما أسمعه فيني تجول عيونهم فيني تفصل مني قياسات وتشيح وجوههم عني وكني غيرت ديني يظنوا حزنهم أكبر وهم أصحاب هالمأساة وأنا اتحدى إذا فيهم ربع ما يحترق فيني نقص قدري بعد موتك وغابت نشوة اللذات وصار الهم عكازي أباكيه ويباكيني عطيتيني بدون حساب ولا سمعتك تقولي هات وأنا أشرب حيل من دمك ودمك ما يكفيني يا يمه ارجعي كافي ابجلس معك لو لحظات وأقبل ايدك ورجلك وأفرش لك رمش عيني يا يمه ما تحملهم يقولوا فات ما قد مات تعالي غيري هالقول وأطيعك باقي سنيني وأترك عادة التدخين وأنفذ ما تبي بسكات وأصلي الفجر في المسجد قبل منتي تصحيني يا يمه ارجعي تكفين وطفي شمعة الآهات أبيك أنت ولا غيرك على موتك تعزيني وضميني وداويني مثل ما كانت الهقوات ما أبي أحدن يواسيني أبيك أنت تواسيني دخيلك بس لا تبكي اذا شفتي بي الدمعات أنا مقوى أبكيك إذا أنت تبكيني منقوووووول |
رد: دخيلك بس لا تبكي اذا شفتي بي الدمعات
عطيتيني بدون حساب ولا سمعتك تقولي هات وأنا أشرب حيل من دمك ودمك ما يكفيني يا يمه ارجعي كافي ابجلس معك لو لحظات وأقبل ايدك ورجلك وأفرش لك رمش عيني الله يرحمها صح لسان قايلها وعاش يمين اللي ناقلها لاهنت ع النقل ويعطيك الف عافية وناطرين جديدك |
رد: دخيلك بس لا تبكي اذا شفتي بي الدمعات
ثااانكس ع الطرح تحيااتي |
رد: دخيلك بس لا تبكي اذا شفتي بي الدمعات
يعطيك ألف عافيه ع الطرح
ماننحرم منك يارب |
رد: دخيلك بس لا تبكي اذا شفتي بي الدمعات
يا يمه ما تحملهم يقولوا فات ما قد مات
تعالي غيري هالقول وأطيعك باقي سنيني وأترك عادة التدخين وأنفذ ما تبي بسكات وأصلي الفجر في المسجد قبل منتي تصحيني يا يمه ارجعي تكفين وطفي شمعة الآهات أبيك أنت ولا غيرك على موتك تعزيني تسلم اخوي على القصيده يعطيك الف عافية ارق التحايآ |
رد: دخيلك بس لا تبكي اذا شفتي بي الدمعات
يسلمو ابومشعل
على أختيارك هذه الكلمات الجميلة والرائعة ويعطيك ألف عافية |
رد: دخيلك بس لا تبكي اذا شفتي بي الدمعات
تسلم اناملك عالنقل
يعطيك العافيه |
|
|
جميع الحقوق محفوظة لـ منتدى الخليج - © Kleej.com
( 2007 - 2025 )
جميع المشاركات المكتوبة تعبّر عن وجهة نظر العضو نفسه ولا تعبّر بأي شكل من الأشكال عن وجهة نظر إدارة المنتدى
