منتدى الخليج - من حقك تحب واحد جديد بس قلبي لا اشوفك تقربه

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

من حقك تحب واحد جديد بس قلبي لا اشوفك تقربه

إيه .. من حقّك تحب ، واحد : جديد |
بس " قلبي " ... لا أشوفك ، تقْربه .

بنصحك .. . وأدري النصيحه ماتفيد :
يا تعمّر ( بيتك ) .. أو لا ، تخْربه !

ناوي تعشق ؟ عافيَه ، إعشِق بعيد ... .
صير ضِد القلب ، خُون | و| عذْربه .

الله يْهنّي ( سعيدة ) في ( سعيد ) ،
وكل عقرَب لدغتة . . من عقْربه !

لا تفكّر في إنكساري ... يا عنيد |
و " الكلام " إن جاك ، لا تستغربه .

مستحيل ، تغيّر الأصل ، و تبيد
لو محيته . . أو نفضت الأتربه ،

صوتك إللي كان لي أيّام " عيد " ،
ما يأثّر .... في الخفوق ، ويطربه .

إنت خلّك .. في أحاسيسك بليد
( المَثَل ) في غير وقته : تضربه !

مو أكيد أنساك .. بس إن الأكيد :
كاس من إيدك ، بعد ~ ما أشربه !

جرّب إللي بخاطرك .. وإبقى وحيد ،
وطيح من عيني بعد هـ ( التجْربه ) .