منتدى الخليج - اكبر خطا تبكي على انسان ناسيك

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - اكبر خطا تبكي على انسان ناسيك (https://kleej.com/vb/showthread.php?t=38878)

اكبر خطا تبكي على انسان ناسيك

يا ( قلب) يكفي ما جرالك ويكفيـك
أنك تموت من القهـر الـف مـره .~

بالله قلّي ويـش تالـي مساعيـك
ياللي تناظر فـي نجـوم المجـره .~

حلمٍ حلمتـه مـا يحقـق أمانيـك
وليلٍ سهرتـه مـا ينسيـك مـره .~

أن كنت ناسي ما جرالك بماضيـك
بذكّرك في الوقـت خيـره وشـره .~

عطيت من دمّك وخابـت هقاويـك
وراحت سنينك بالشقى والمضـره .~

كم (جرح) ينزف بك وكنّه ولا فيك
من خوف عذالك بصـدرك تصـره .~

وكم (جرح) لو تخفيه بانت مواريك
له في ملامح وجهك السمح جـره .~

وش فايدة صبرك وسهرك لياليـك
وغيرك بدون أحساس مافيـه ذره .~

أكبر خطا تبكي على أنسان ناسيك
ويضيق صدرك فيك وتموت حـره .~

اللى نساك أنساه لو كان يطريـك
واللي يبرك فـي مواصلـك بـره .~

وأكبر جريمة .. من توده ويجفيك
أنك تصونه عقب ما بـاح سـره .~

قول (الوداع) وما جرالـك يكفّيـك
ودربٍ يمـرّه لا تحـاول تـمـره .~

يا (قلب) يكفي ما جرالك ويكفيـك
أنك تموت من القهـر ألـف مـره .~