منتدى الخليج - تركي الميزاني

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - تركي الميزاني - الصاحب (https://kleej.com/vb/showthread.php?t=41473)

تركي الميزاني - الصاحب

http://www.youtube.com/watch?v=5Oy7w2whkCA

ياحرفي اللي ضاع مابين الدفاتر والرفوف
اللي رسمته من تنهَّاتي ومن حبر قلمي

ضحيت لجله في حروف وقمت لجله في حروف
وصبرت لو النار من فوقي ومن تحت قدمي

ياصاحبي اللي على شانك تحديت الضروف
اسمع كلامي زين وافهم وش اقوله من فمي

ماهو بأنا اللي تتركه بين الخناجر والسيوف
وتمص دمه بين خلق الله يامصاص الدمي

انا بدوي ماسكن في الوقت مسكان الضعوف
اتبع هوا بالي واسير عند ذودي وغنمي

طوفتها لك لجل خاطر عين ولا ماتطوف
ولا انت مهما زاد وزنك وزني يطرحك نسمي

صمتي يدل اني وفي ومسويٍ فيك امعروف
وصبري يدل اني من زحول الصناديد انتمي

ياقوم ياللي تذبحون الحيل قدرٍ للضيوف
وش رايكم في اللي يعشيني من اوصال لحمي

وقفت له يوم اجلسوا واجلستله ناسٍ وقوف
غير الذخيره والفشق في محزمه من محزمي