منتدى الخليج - علموه إني تركته بـأول العـام الجديد.,,

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - علموه إني تركته بـأول العـام الجديد.,, (https://kleej.com/vb/showthread.php?t=45291)

علموه إني تركته بـأول العـام الجديد.,,

مَدْخًل :-

ياصاحبي [ صرح ] الهوى والوفا طاح
. . . . . والقلب كنه مـن عراويـه مقشـوع

كان [ أحسب ] إن لحبنا عشـرة أرواح
. . . . . إليـن شفت الحبـل بيديـه مقطـوع

يوم العهد به [ حده ] إسبـوع لـا راح
. . . . . إسبـوع ويعوّد علي شـوق ودمـوع

واليوم [ خمس ] سنين والهـم مـازاح
. . . . . هم الفـراق اللى بلا عـذر مشـروع

أستغفرالله [ تسعـة ] شهـور ياصـاح
. . . فـي غيبته قمـت احسب اليوم بإسبـوع !

..

علموه إني .. تركتـه .. بـأول العـام الجديـد
. . . . . وعلموه أن الجروح { بقلب } غاليه موجعـه

إيه أحبه كثـر .. حبـي .. للمعاني والقصيـد
. . . . . وكثر ما { هلّت } دموعي يـوم حّل إموادعـه

أشتاقله .. كثر .. إشتياق الجد لعناق الحفيد
. . . . . وأتحمله كثر إحتمال السد { موجٍ } يدفعـه

ذاب قلبي في غيابه مثل .. ماذاب .. الحديـد
. . . . . يـوم { ولعنـي } وخـلا نـار قلبـي مولعـه

أشهد أنه .. مارحمنـي .. يـوم خلانـي وحيـد
. . . . . طاوعـه قلبه { يغيـب } وكيف قلبه طاوعـه

ماسمعت ألا شطر .. ويحرّك .. إشعور البليـد
. . . . . ضاقت الدنيا { بشاعر } طيب قلبـه ضّيعـه

آتمناه وأريده .. والله .. يفعـل مايـريـد
. . . . . وكان مكتوب الغياب { شحيلتي } كيف أمنعـه

علموه إني تركته وياعسـى .. عامـه .. سعيـد
. . . . . وعلموه أن { القصايـد } فـي غيابـه تتبعـه

-: مَخٍرْج

وصلك [ يخيط ] الصـدر والبعـد .. يفريـه
ويابري حالـي كـان صديـت . . . . . بريـاه

ويلي علـى [ ادري ] حبنـا ويـش .. تاليـه
وويلي على ادري وش ورى الغيب . . . . . ويلاه

عشـان [ اشـوف ] اذا محبتـك .. ترفيـه
والله لا اقفي عنّـك . . . . . واستغفـر الله