منتدى الخليج - في ديرتي الغالية

http://www.ro-7.org/up//uploads/imag...c6ecad662b.jpg

بالورد والياسمين ننثر حبنا..
في لمة بالقلب نحضن شذاها..
يا عيال ديرتي فرحكم من فرحنا..
واحزانكم والله قلبنا احتواها..
خلنا نفرح ونقول يا عرسنا..
يبابة للنجم يوصل صداها..
نزف البحرين أمنا عروسنا..
ونمسح دمع الآه وعناها..
حنا هل البحرين تحكي ارضنا..
عن جودنا والقايد اللي رواها..
حمد ملك الخير حامي دارنا..
اشهد انه بروحه سقاها..
وبوعلي الحكمة تاج راسنا..
عطى البحرين وسدد خطاها..
والشيخ سلمان راوي ازهارنا..
ومعاضد بالحب كل من بناها..
يا أهل المحرق ترى انتو احبابنا..
يا حلوها البحرين وانتو ضواها..
سنة وشيعة كلكم سكنتو قلوبنا..
غنوا مع الهولو ورقصو معاها..
ويا سترة في الروح فاحت بالهنا..
ما غاب حبها بيننا أو سناها..
كل الهلا بك يا الرفاع في صدورنا..
يالساكنين الروح وانتو صفاها..
وسنابس اهل الدار اهلنا وناسنا..
طيب بليا حدود ربي عطاها..
المنامة.. ولهنا انتي.. سكنتي عيوننا..
مثلات طيب العود برها وماها..
دار أبوي وجدي فخرنا حدنا..
لا قالو الحد الكل يلبي فداها..
واهلا يا هالطيبين كرزكان المنى..
اشواق ما تهدى تسابق مداها..
واهل البديع كلهم اهل لنا..
ذي بحرينهم يا حيهم في رباها..
ويا جدحفص يا بيت لنا في ضلوعنا..
نمشي لها بالروح ونرجع لقاها..
حنا وحدتنا يالحبايب همنا..
تفرح البحرين فيكم تراها..
خلكم يد وحدة سنة وشيعة عزنا..
تقوى بحريننا بخيرها وعطاها..
ما نبي غير محبة بقلوبنا..
يا هل ديرتي حنا المودة نباها..
ودعوتي تحفظ لنا بحريننا..
بعز وسند بوسلمان حامي حماها..