منتدى الخليج - من ياخذ عيوني ويرقد بدالي

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - من ياخذ عيوني ويرقد بدالي (https://kleej.com/vb/showthread.php?t=49690)

من ياخذ عيوني ويرقد بدالي

http://www.kleej.com/vb/mwaextraedit4/extra/23.gif

حبر العتب لو سـال فـي دفتـر اللـوم
يمديه جفّ ولا وصـل شخـص غالـي

دكت ( مجاهيم الجفـا ) مغـرب اليـوم
وازريـت انـوخ ركبهـا فـي خيـالـي

ياصاحبـي ! والحلـم مايبغـي نـجـوم
لولا القمر ..! وش كـان حـال الليالـي

( غصن اللقا ) مـ..عادت طيوره تحـوم
و (فصل الغياب ) يجفف اللـي بقـا لـي

الحزن ! عاري لو لبس ضحكـي هـدوم
ويبان بـ..أطـراف السوالـف , مقالـي

( قيض السهر ) يجلب معاصير وسموم
ولا اشـوف الا ( خفـوقـي ) قبـالـي

انشـدك ! ليـه البعـد يحتاجنـا دوم !؟
ويمـوت بـعيـون الاجابـه , سؤالـي

علقت من شعري على صدرك ( وسوم )
إليـن كـلٍ عـن وصوفـك حكـا لـي

واهديت لك قلبٍ ( قوي صبر وعـزوم )
واهديت لـي ريـحٍ تبعثـر ( رمالـي )

ولو ماكتبت اللي بـ..صدري من هموم !
ماكـان كـل عاشـق جريـحٍ قـرالـي

ليه أنتظر صبـحٍ غشـا وجهـه غيـوم
وانـا . بعيـش الليـل كلـه لحـالـي

وماضنتي بلقـى بعـد غيبتـه ( نـوم )
من ياخذ عيونـي , ويرقـد بدآلـي ..؟

http://www.kleej.com/vb/mwaextraedit4/extra/23.gif