منتدى الخليج - متى أرتاح

مـن صغري وانـا اسمع يقولون الزمان يدور
يعني اذا بيوم يضحك لـي بيجي باكر ويبكيني

وكلن شايل همه احد ضايق و احد مقهور
وانا بس اواسيهم ومابه من يواسيني

وانا ماودي اتكلم وابوح واكشف المستور
ولكن يالغلا صدك على هالبوح يجبرني

انا للحزن قصه وله في داخلي دستور
اجامل وابتسم لناس ودمعي ساكن بعيني

وانا الي حيل يتعبني لاضقت دمعي المغرور
تخيل مايبي يسكب يخاف انه يريحني

اموت بضيقتي واعاني من زمان الجور
وتخنق عبرتي صدري وتجرح دمعتي عيني

انا ماودي ازيدك هم انا ودي تعيش سرور
ولكني ابي تعرف ترى حزني يبعثرني

انا قلبي من عنا وقتي حزين وخاطري مكسور
وانا اللي زايد بهم صمتي اللي متعبني

وترا مها يضيق الكون ترا عقب الضلام النور
يعني مثل ماضاقت بتفرج باقي سنيني

انا لو قلت لي ضايق اشيل همك انا على الفور
انا ما ابي احد يحزن واذا به شـئ يربـطني

وانا اللي بيني وبينك شعر ومحبه وشعور
طاهر يجمع محبتنا مثل محبه اخواني

وانا شعري ترى مـابه غموض وعنجه وغرور
وانا شعري صدر بااحساس طـفل ساكن فيني

انا ودي ابين لك وابوح بكل مافيني يدور
ولكن ما ابي اصبح ثقيل وما تدانيني

وانا موتي ولا اصبح على احدن ثقيل ومايبيلي دور
وانا ودي اذا جاء موتي اموت وعزتي فيني

وكانك يا الغــلا تبغى يكون القصيد بيننا منثور
اجل اقرب وانا اكتب لك قصيدن يوصــف سنيني

وانا اقول على كل اللي مضى مشـكور
وكاني اخطيت في حقك ابيك الحـين تعفينـي

وانا بطلب بآخر بيت من اللي يعلم ماخفى بصدور
انه يسعد قلبك دوم ويسعد باقي سنيني