منتدى الخليج - عارفين ليه؟؟

عارفين ليه؟؟

http://a4.sphotos.ak.fbcdn.net/hphot...24347265_n.jpg

مش هيصبَّح
مش هيقول لي فين الجزمة لا اتأخرت
ولا هكويله قميصه بسرعه لا شِلِّتُه تحت
مش هيبرطم وانا بديله العشرة جنيه

عارفين ليه؟

http://im16.gulfup.com/2012-02-02/1328149410402.jpg

مش هيصفَّر تحت البيت ويقول لي انا طالع
عايزه بقاله؟
مش هيناكف في الشغاله
مش هيرُوح الدرس يراجع

عارفين ليه؟

http://a8.sphotos.ak.fbcdn.net/hphot...05348992_n.jpg

مش هيداري سجارة شربها بباكو لبان
ولا هيجيب لاخواته جنان
ولا يتمحلس علشان عايز جينز جديد
ولا عاد هيأخَّر مواعيد

عارفين ليه؟

http://a2.sphotos.ak.fbcdn.net/hphot...19531666_n.jpg

مش هيخبي شهادته الخايبه
ويمضي بدالي
ولا اقول له العيشه بقت صعبه
يقول وانا مالي
مش هيرد الكلمة بعشرة
بس انا صابرة

عارفين ليه؟

http://a4.sphotos.ak.fbcdn.net/hphot...24347265_n.jpg

علشان شايله فقلبي حاجاته
كل شقاوته وابتساماته
كل ما اغمض عيني ببوسه
واما بفتّح عيني بشوفه
وسط صحابه ومستنيني
إدعوا لي لعنده يوديني
كان على عيني فراقك يابني
يا حبة عيني

منقووووووووول

الله يصبرها ويربط على قلبها
يارب