منتدى الخليج - فاتت و اشوف انه تزايد كربها عسى الفرج ياتي و ينحل مكروب

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

فاتت و اشوف انه تزايد كربها عسى الفرج ياتي و ينحل مكروب

محد على ايديك النواعم ضربها
و ما انتب على كل الذي صار مغصوب
محد تيقن بك و لاحد حسبها
تبي تسكتني إلى قلت : مكتوب ؟!
ما نعترض لا كنك أنته سببها
ممنوعك اللي تزعمه صار مرغوب
بصيرتك مدري وش اللي حجبها
ضاقت بك دروب و ضيقتها دروب
النار في جسمي توهج لهبها
خطر على أعظام جسمي لها تذوب
كاسات مرك قلبي اللي شربها
ما اعتدت اذوق المر من يد محبوب
مدري وش اللي صار في حياتك قبلها
تبي الصراحه انت قتال لقلوب
فاتت و اشوف انه تزايد كربها
عسى الفرج ياتي و ينحل مكروب
ما غيرك احد تل روحي و جلبها
ثم بعتها برخيص من غير متعوب
في سوق حبك لين رسم نصبها
و تركتني حي مع الناس مصلوب
و دفنت روحك يوم ورق شببها
و أصبحت وحدك و انت بي دوم مصحوب
أسرجت خيلي ثم غيري ركبها
خيالها ماله على الخيل منصوب
طارت بها الريح العواتي هببها
في ليلة لا سلم فيها و الا حروب
أخترت من سو الخلايق عربها
دامك تخيرته فأنا منك مسحوب
نفس حرمها الله و نفس وهبها
هذا له طلابه و هذاك مطلوب
الآ جروحي زاد فيها عطبها
بغيت انا الفكه و عودت منشوب
الياس فيني هز نفسي و غلبها
و انا اللي أمعلق قلبه و مقضوب
نفسي و لو عافت قدرها غصبها
ترضى بواقعها و لو كان مزروب
غنيت ليلة كل حزني طربها
مرات أهيجنها و مرات مسحوب
و جمعت في نبرات صوتي عتبها
و عن غلطتي أستسمح اليوم و آتوب
ضوي طفت عقبك ورمد حطبها
حرام لا عقبك ولا عود مشبوب
حتى معاميلي على الجال كبها
جنبت خلق الله كما حال مجروب
حالي بك أصلح حال و أجمل و أبها
و حالي بدونك من عوافيه منهوب
صدك خطف ضحكات عيني و سلبها
و إلآ ترى وصلك يرد الفرح نوب