منتدى الخليج - المفروض يفتحون قناة لاخبار المسلسلات التركيه

http://blog.eqla3.com/mkportal/modul...um/a_40966.jpg
المفروض يفتحون قناة لاخبار المسلسلات التركيه

سمع طبيب بمستشفى خاص صوت مشاهق وصياح ونياح وبحسه الطبيبي طار يركض يشوف السالفه والا الصوت جاي من غرفة الممرضات وتصكه روعه و يدخل ومعه السماعه والفيفادول الا يشوف وحدتن من الممرضات تاركتن المرضى ومغذياتهم تقطر بالارض و مقابلتن الحلقات الاخيره من مسلسل سنوات الضياع ودموعها اربع اربع و ينهبل الدكتور و يقدم طلب للإدارة المستشفى بفصل الممرضه وماتعوق معهم ويفصلونها ( خلي المسلسلات تنفعتس) ..
ومن شنق ثاني انتابت ( للنخبة المثقفه فقط) ام الطفل ابراهيم السلمان ( 3 سنوات ) الدهشه لما كانت تسرد له اسماء الانبياء ولما وصلت للنبي يحيى عليه السلام سألها ابراهيم : وزوجته لميس؟؟ وتطير عيون الام وش لميسه ؟ وتدري انها بطلة مسلسل سنوات الضياع وتنهبل !! خاصة انهم موب راعين قنوات فضائيه ومن اسرة محافظه ودايما تستغل وقت فراغها لتدريس عيالها امور الدين تقول اني خفت من ربط ولدي الشخصيات الدينيه بالشخصيات الخايسه الي بالمسلسلات ( معتس حق يا وخيتي هالدنيا من تالي تخوف ) ..

نجي لمحطم قلوب العذارى و ساحر عيون العجز ( مهند ) وهالمره من الجزائر , طلق جزائري زوجته وهو طاقن الشورت والسبب انها قالت ودي امرح لو ليله عند مهند لو بالحلم وانه هو فارس احلامها الي كانت تحلم به يجي على حمار ابيض ( هماه يحتريس مهند ) ياشين الرجال يتهددون كلشن عندهم طلاق المفروض التريث بمثل هالامور اقل يعلق صورة نور بالصاله وكل ما مر من عندها يتنهد ويقول اويلاه من تزوج ربعتس واتحدى اذا زوجته ما حطت الدش مقرصه ..