منتدى الخليج - لا تجرح شفاتك بعضة اصابعك

ان كان ماجابك لي الشوق يدفعـك
........ولاجيتني ولهان من زايد الشوق

يقلعــك ياحبٍ بلا وصل يقلــعك
.......مايحفظ حقوقِ ولايعطي حقوق

ولا تعال من الوله ودي اسمعك
.......واسمعك من خاطري كم طاروق

لاصرت تجهل موقعك وين موقعك
......انت غلاتك عاليــة بالسـما فوق

لاتجرح اشفاتك بعضـة أصابعــك
.......برفوق ياسيد الغنادير برفــوق

ذبحت لي قلبي بكثرة تدلعـك
........دمرت فيني كل شريـان وعروق

أحيان أشوفك في زعامة تواضعك
........وأحيان أشوفك نخلة مابها عذوق

ولعتني يا اللــي تجاهل تولعك
.......أحرقت قلبي والحشا منك محروق

قتلتني بسحرك ولا شي يمنعك
......شفني معلق رهن رمشك ومشنوق

نظرتك خلت جلة الناس تتبعك
......جننتهم مابين سابق ومسبوق

ودي أعيش العمر كله أطالعك
......وأملا عيوني من محاسنك ياشوق

ودي أضمك يم صدري وقطعك
......وطوقك كلك كما حلقة الطوق

شفي ولكن خوفي اللمس يوجعك
......أخاف لمسي لك يسبب لك العوق

يالله تعال من الوله ودي أسمعك
......واسمعك من خاطري كم طاروق

يقطعك حبٍ دمر الروح يقطعك
......لا صار يجهل روعة الحس والذوق

انت هنا في داخل القلب مرتعك
......ولا غيرك من الناس حبيت مخلوق