منتدى الخليج - يقسى كثير ويرضي غروره على حسآبي

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - يقسى كثير ويرضي غروره على حسآبي (https://kleej.com/vb/showthread.php?t=72568)

يقسى كثير ويرضي غروره على حسآبي

تنام....الذكريات الموجعه..ب صدري الليله ..
وتصحى ذكريات الماضي اللي راح ، وأحبابي ..

كثر ما بي من طعون الحبيب اشتقت أحكي له ..
عن الماء في يديه ، ووردة الأشواق ب ترابي ..

عسى باقي ..حبيبي..يمسح الدمعه ب منديله ..
أخبْره لا بكى..يطري عليه..اش كثر سوا بي ..

على باب الرجا كنت انتظر..رحمة مراسيله ..
الين الله رحمني من قساه ، وموّت أعصابي ..

تحّملت....الحياة البارده ؛ من قِلة الحيله ..
وأنا أدري هاالغياب اللي حصل كله من أسبابي ..

عطيته كل مايطري عليه ، وزاد....حبي له ..
الين اتساهل دروب الجفا ، واتساهل غيابي ..

يقول: أن الظروف اللي بدت تأكل محاصيله ..
وأنا اشوف الظروف اللي يقول تزوّد أتعابي ..

أنا كنت أكرمه ب ..محبتي ، وارضى ب ..تقليله ..
وهو يقسى كثير ، ويرضِي غروره على حسابي ..

ولكني....أحبه..ولو بدت تطفى قناديله ..
شعلت النار ب الصدر ، وبقى لو شبّت ثيابي ..

لقيته بعد ما..صك القدرآخر..مداهيله ..
ولا ظني غلطت بعشقي اللي راح وأعتابي ..

على ذكراه..كانت....ليلة البارح..وهاالليله ..
ولا أدري لو بعد طوّل غيابه ويش يجرى بي ..