منتدى الخليج - الصبح بان واذن الفجر ياسعود ,,,

منتدى الخليج (https://kleej.com/vb/index.php)

- قسم الشعر والخواطر والقصائد المسموعة (https://kleej.com/vb/forumdisplay.php?f=23)

- - الصبح بان واذن الفجر ياسعود ,,, (https://kleej.com/vb/showthread.php?t=80005)

الصبح بان واذن الفجر ياسعود ,,,

:85:الصبح بان واذن الفجر ياسعود
وانا لك الله صار نومي انهابه

انام واقعد واخذ شوي واعود
واصحى على جرحن بقلبي صوابه

ياسعود فيني هم كل ماله بزود
والهم طاوله الشقى والتوى به

الحظ عاثر والامل صار مفقود
والحال راح ولابقى به صلابه

والعمر ضاع وتالي العمر معدود
لا وسفى بالعمر لا وسفى به

والناس ما ترحم ولا منها فود
يا شكوتي لله ,,, حتى القرابه

كلن غدى بالهرج ناقد ومنقود
وان مالقى له هرج عاد وحكى به

الصبروين الصبر وان قيل محمود
والياس زود في خفوقي .. كآبه

حتى تساوت بيض الايام بالسود
وصارت بعيني كلبوها تشابه

لكن على الله تزين الايام يا سعود
ويطيب جرحن زاد فيني التهابه