منتدى الخليج - الحزن حزني والسوايا سواياك

الحزن حزني والسوايا سواياك

يكـبـر قسى جرح السنين ويعني
رجـل الحزيـن اللـي علـى حـد الإدراك

هــذا أنــا يــوم أخـلـف الـوقـت ظـنـي
الـحـزن حـزنـي والـسـوايـا سـوايــاك

بـكـيـت وأبـكـيــت الـعـيــون وبـكـنــي
تـعـال شفـنـي كــل مــا حــان ذكـــراك

كــم واحـــدٍ جـانــي بـعــدك وسـألـنـي
شخبـار مـن حبـيـت وأقـفـى وخــلاك؟

وأصـــد والـحــزن الـخـفـي ممتـحـنـي
وأن قلـت منهـو قيـل ماهـوب يخـفـاك

قيل العـوض قلـت العـوض مـا شحنـي
والله لا هـــــــــــــــــذا ولا ذا ولا ذاك

يــا مــا بعـضـهـم مـرنــي مـــا فـتـنـي
يـا جعـل ماهـم بالـعـوض فــي محـيـاك

الله لا يـجـبـر عــــزا مــــن عـذلـنــي
مـا جـاه مـا جانـي ولا جــاه مــا جــاك

واللـي عـذل ويقـول (لـو و لــو أنــي)
جـعـل يعـشـق لــه واحــدٍ كـنـه إيـــاك

مــا فـيـه شــيٍ فـــي حـيـاتـي غـبـنـي
الا نهـار أقفـيـت وأنــا أسـمـع إبـكـاك

الله مـــــن جـــــرحٍ قــديـــمٍ مـكــنــي
أمــداك نـزفـه لـكـن ادواه مــا أمــداك

عـلــيّ كـــم جـــار الـزمــان وطـعـنـي
أسمـع صـدى صـوت المعاليـق تنخـاك

ويـن أنـت ياللـي كـل مــا غـبـت كـنـي
واقــف عـلـى بــاب الأمــل وأتـحـراك

ليـتـك تـعـرف تـخـون وأقـــول خـنــي
عـلـى الأقــل الـقـى سـبـب وأتـنـسـاك

ولـيـت الـزمـن فمحبـتـك مــا خـذلـنـي
وليت الهجر من طيب خاطرك ورضاك

لـــو أن قـربــك والـوصــل بالـتـمـنـي
مـا غبـت عـن عينـي كثـر مـا اتمنـاك

خـايـف يـطـول البـعـد وتـســج مـنــي
وياخذ مكانك شخـص ماهـوب يسـواك

وش عـاد أسـوي يومـك أقفيـت عنـي
لا أنـا أتبـع المقفـي ولا أحــب فـرقـاك