منتدى الخليج - المرجله ماهيب سلعه تنشرى والاّ تباع

المرجله ماهيب سلعـه تنشـرى والاّ تبـاع

http://www.al-bjadyah.com/vb/mwaextr...rames/tr11.gif
http://www.al-bjadyah.com/vb/mwaextr...rames/tl11.gif
العمـر يفنى والحياة أحـلام والدنيا متـاع
يا كـمّ نفـسٍ روّحـت مـا حقّقـت مطلوبهـا

يا منخدع في ضحكه الدنيا ترى الضحكة خـداع
لا تأمن الدنيا ولو تضحـك لـك مْـع جنوبهـا

إن ما تغانمت المراجل قبـل ساعـات الـوداع
بَعَد وفاتك ماهي بصوبـك ولا انـت بصوبهـا

والمرجله ماهيب سلعـه تنشـرى والاّ تبـاع
كم ناسٍ يقومون ويطيحون مـا فرحـوا بهـا

اللي مولّع بالضياع يـروح لـدروب الضيـاع
واللـي مولّـع بالمراجـل مـا يغـرّ دروبهـا

الطّيب بيِّن ومتعيِّن مـا علـى وجهـه قنـاع
لكن بعض النـاس عميـا والجَهَـل عذروبهـا

والغيب ما يُعلم لكـنّ العقـل سِيـد الإختـراع
ليا اشتغل عقلك عرفت الناس وش فـ قلوبهـا

وإن كان ما انته مستفيد من الدّماغ الاّ الصّداع
ما غير حـظ الصّيدليّـه مـا تبـور حبوبهـا

لا صرت ما تتعب على والنِّعم قدر المستطاع
صدّت ولفّت لك ظهَرهـا واعْطَتِـك عرقوبهـا

وليا تملّكْت الكـرم و الحكمـه و طـول الـذراع
لا تشغلك نفسـك تـراك اعطيتهـا ماجوبهـا

والواحد اللي لا كريـم ولا حكيـم ولا شجـاع
مفروض يعطي ثوبه الحرمـه ويلبـس ثوبهـا