حسيبي علي اللي صد عني وانا شفقان

 

حسيبي علي اللي صد عني وانا شفقان

حسيبي علي اللي صد عني وانا شفقان

ياراسي عسى الله لايحدك على اي انســان
وياعزمي تقـوى وانطـح الشـده بشـده


وياقلبي تصبر عـادة الصبـر والسلـوان
تواسي قوي البـاس لـو الزمـن ضـده


وياعيني لاترجين المقفي نظـر واحسـان
مـادامـه مقـفـي بـين وده ولا وده


ترى الضيق ضيق القبر ماهوب في لوطان
مادام العـزوم اعـزوم والارض ممتـده

والى قفت الاضعان عن باقـي الاضعان
يجي يـوم للضامـي يعـود على عده

وش امحق من الخـلان لاقفـوا الخلان
وتواصوا على الهجران والبعد والصده

وش امحق من الخبلان غير اخبل الخبلان
الى من بدوهاا مزح واليـا انتهت هده


حسيبي على اللي صد عني وانا شفقان
بدها تغلـي واعلـن الهجر من جده


يبيها على الذرعان واخطت من الذرعان
وتنصـت معاليـق الحشـا لعنبو جده


الا ياوجـودي وجد من حده الديان
ولافـي يدينـه شي والدين له مده

مابين الفقر والدين والسجن والسجان
ونـاسٍ الـى منهم دروا قالوا مسده


على اللي غلاه يسابق الدم فالشريان
احـس ان غلاه يسابق الدم ويحده


بنينا الغلا بالشوق والود والتحنان
اليـن الغلا فصدورنا وصل لحده


وتعاهدت انا وياه مانطري النسيان
وخذانـا العناد وكل مابيننا هده


واذا كان كل اللي بنينا بلا عنوان
فلا خيـر في ودي ولاخير في وده



وانا ماني اللي لاحلم قالوا العربان
لاتحلـم بشيٍ منت حوله ولا قده

اباقف وادين الوقت واحاربه لاشان
ولابـده يدور الوقت ويزين لابده

وبصبرعلى الهجران لو طول الهجران
واذا لي نصيـب يرده الوقت بيرده

يقولون جده غير عن باقي البلدان
وأنا أقول هذا في عيوني مثل جده
شاعر سالم ابن جخير




مما راااااااااق لي

المصدر: منتدى الخليج

 شكرآ ع الكلمات الحلوهـ
ويعطيج الف عافية

 يسلمو فزاعه القلوب
على أختيارك هذه الكلمات الرائعة ويعطيك ألف عافية

 الله يعطيك العافيه على الابيات
وبانتظار جديدك

 

فزاعه القلوب يعطيج ربي وألف عافيه على هالطرح الجميل االرائع بما يحمل من معاني حدائق من الكادى و الجورى لــ سمو شخصج ودي ووردي لج ملكة المنتدى

 راق لي ماراق لك
كلمات قمه بالروعه
يسعدك ربي

 شكرآ على الكلمات يعافيك ربي