والله احبك يشهد الله علي

 

والله احبك يشهد الله علي

]السلام عليكم ورحمة الله وبركاته


البارت الاول

نزلت الأم على أصوات صراخ وصريخ بالصاله السفليه
عبدالوهاب (بعصبيه وصوت عالي يكاد يهز البيت): دخليييييييييييي ياحقيره لييييييييييييييييييييه
زهره(طايحه بالارض وتبكي بالم): عبدالوهاب أرجوك والله مالي دخل أنت فاهم غلط
عبدالوهاب (نزل لمستواها وبقمة العصبية مسكها من عباتها):شنووووووووووووو فاهم اللي فاهمه شفتك معه انتييييييييييييييي يازهره أنتي
زهره(واهي تحت رحمته):ياعبد الوهاب أختك اللي قالت لي والله أختك طلبت مني
دخلت سهام أخت عبدالوهاب وتهاني(زوجته الأولى) راجعات من التسوق وتفاجئن بالمنظر
الأم(تهدي ولدها ): عبدالوهاب هد يمه علامك معصب شنو حصل
عبدالوهاب (بعصبيه): يمه بعدي محد له دخل بعدووووووووووووووووو
زهره(تصيح ): ياعبدالوهاب طلبتك لا تظلمني اسأل أختك أهي تعرفه
سهام(تشهق ):اهئئئئئئئ اعرفه من اعرفه
تهاني: ايش السالفه
عبدالوهاب(بعصبيه يأشرعلى زهره):الحيوانه رايحه تقابل عشيقهاااااااااااااااا من وراي
زهره (بصوت عالي):مو عشيقي مو عشيقي مااااااااااا اعرفه سهاااااااام قالت لي اقابله واللللللله
عبدالوهاب(عصب وعطاها كـــــف):طراااااااااااااااااااااخ أختي اشرف منك لاتجيبين سيرتها
تهاني( بعصبيه):أنتي ماتخافين الله ماتخافين على سمعت زوجك لا وتعشقين بعد
الأم( بصوت عالي):ايا الحقيره هذي سواه تسوينها فينا بعد ما ضفيناك من الفقر لا وتتهمين بنتي والله منتي كفو
سهام(حطت أديها على وجها تصيح):أنا أنا ليه يازهره حرااااااااام عليكي زواجي بعد يومين كذا تسوين فيني وتفعلين فعايلك وترمينها علي
زهره(توقف وتمسك سهام بعصبيه):قوووووووولي الحقيقه حراااام عليكي ليه كذا أنا بنت عمك سهام قولي أنتي طلبتي مني
زهره(تلف لعبدالوهاب وتمسك يده و تحبها):والله أهي حتى تهاني كانت موجوده أسألها
تهاني(تشهق):أنا إهئئئئئئئئئئئئئئئ بالأول سهام وأنا بعدين طلقها يا عبدالوهاب هذي اللي فضلتها علي وتزوجتها علي شف جابت راسك للأرض
الأم(بعصبيه):طلقهااااااااااااا خلها تذلف إهي وبلاويها
زهره(بعيونها تترجه وتدمع):لا يا عبدالوهاب أنت تعرفني
عبدالوهاب(من عصبيته خنقها بأيديه):أنااا شفتك أهو يعرفك بالأسم ماكان معاه إلا صورتك ليه واعدتيه أنا وش منقص عليك فيه
الأم وتهاني وسهام يحاولن يحررن زهره من قبضة يديه القويةوحست روحها تبي تطلع
الأم (تبوس يده):هدها يمه ما تستاهل تنشنق بسبها
تهاني (تصيح):عبدالوهاب خلها لاترملني أعيالك محتاجين لك أنا أبيك
عبدالوهاب(يدزها بعيد عنه):روووووحي أنتي(حس انه ينخنق صعب حب حياته)أأأأأأنتي طااااااااااااالق
زهره(بصوت مخنوق):لااااااااا أنا بريئه لاياااااااااااارب أنك عالم أني شريفه و عفيفه خذلي حقي منهن يا مولاي واللللله حرااااااااااااااام يارب
الأم:قومي قومي طلعي من بيتي جبتي لي بلوى و تدعين على بناتي
زهره(تصيح):وبناتي
عبدالوهاب(بعصبيه):ما عندك بنات هذولا بناتي
زهره(تصيح وتحب يده):أرجوك خلني أخذهن لا تحرمني منهن
تهاني(تلف لعبدالوهاب):خلها تأخذهن فكنا منهن وش دراك أنهن من صلبك
زهره(عصبت من تهاني وكلامها و عطتها كف):طرااااااااااااااااااااااااااااااااخ أناأأأأأأنا أشرف منكن و بناتي من صلبه
تهاني(حطت يدها على خدها ولفت لعبدالوهاب بعصبيه ):ليه ما تتصرف يا حظي ولا راضي
عبدالوهاب(بصوت عالي):راما راما جيبي البنات وأنتي خذيهن وقلعتكي أنتي وأهن طلعي من بيتي ولا عاد أشوفكي ياليتني ما عرفتك أخوك بره طلعي براااااا
زهره مسكت يدبناتهاعايشه اللي عمرها6س وأسيل 4س قبل خروجهاأن تتلاقى عينها بعين من ملك قلبها((بعيون دامعه...ونفس مجروحه...وطعن بالشرف...واصل بناتها المشكوك به...وعتاب القلوب تحكيه العيون...التقت عيونهابعينه الدامعه...تعاتبه تودعه))
اخذهااخوهاوطلعوبيت ابوهاالمتواضع اللي من اتصل ولد اخوه واحساس هزه واللي المه اتهامه لها بشرفها واخلاقها
دخلت زهره مكسوره النفس ودموعها اللي تنسكب لا اراديا على خديها
زهره(ارتمت بحضن امها تصيح):آآآآه يايمه طلقني عبدالوهاب طلقني وظلمني والله بريه
الاب(بعصبيه):من كتني معه مـــن
زهره(تحب يده):والله هن اللي طلبن مني اقابل واحد يهددهاصدقتهن كانت تترجى ما كنت عارفه
الأم(بعصبيه):ليييييييييييه خبله أنا قلت لك ما يحبنك ليييييييه تسمعين لهن ليه (قامت تبكي) ضيعنك وخلن رجلك يطلقك
خلف(بقمة العصبية ):ماراح اخليهن باخذ حقك منهم
متعب( بعصبيه):أنا معك وصل لامر للشرف
الاب(بحزن) :خلاص اهو شافها معه فضحتنا
زهره(تصيح بصوت عالي): أنااااا مو مثل ما يقولون يبه الله شاهد صدقووووني كذاااااااااااابين ( حطت ايديها على وجها)كذاااااابين
الاب (رق لحال بنته ضمها بحنيه وعيون دامعه): لا تخافين ربك بياخذ حقك منهم هو المنتقم سبحانه هو المنتقم أنتي بنت عناد أنا مربيك خلاص مالنا جلسه بالرياض نروح لاهلنا بالديره صوب الدمام
زهره( تمسح دموعها وبشهاق وصوت مبحوح): و ... و.....و...وعبدالوهاب
خلف (بعصبيه): لحد الحين باقيه عليه تحبينه
زهره(تهزراسها ) :لااااااااا لا لا مو قصدي أنا أنا (حطت يدها على بطنها)حامل لي4شهور ضناي بيعترف فيه ولا(بدت تبكي) ولا مثل بناته بيشكك بنسبهن بعد
الأم (حطت يديها على راسها تلطم):حامل يااااااااااويلي ياردي حظك يازهره ياوووووووووووويلي
الاب(بعصبيه ): انكتمي يامره ولا اسمع صوتك (التفت لبنته بحنان طالع لها رأفتن لحالها)أنا اهل بناتك أنا جدهن وأبوهن لا تخافين اذا ولدتي غصبن عليه بيعترف ومومحتاجين شئ غيرالاسم
مع بزوغ شمس جديده على الرياض تركو المدينه واهلها وتركت زهره حبها وولد عمها وحملت جرحها وانكسار نفسها وطعونها من حبيبها ونصفها الثاني وشكه فيها اعتقدت أن رغم الصعوبات والصدمات اللي تجيهم من كل صوب بيكونون اقوى منها ايده بايدها لكن خلاص تفرقت القلوب
نقلوللبدو والبساطه .................
اصر خلف يشترون بيت بالرياض بعيد عن البيت القديم قبل ينقلون البدو رغم حبه للبداوه الا أن التعليم اساسي لابنائه

.........بـــــــــعــــــد ســـنـــــة .........


انطق باب الفيلا الساعه7 مساء
عبدالوهاب:هلا اخوي
: الاخ عبدالوهاب محسن
عبدالوهاب:نعم أنا عبدالوهاب
:ممكن اتكلم معك لو سمحت بموضوع خاص
عبدالوهاب:حياك تفضل (دخلو المجلس) خير امر
:أنا اسمي ناصر ماتتذكرني
عبدالوهاب:ناصر لا والله اسمحلي
ناصر:أنا اللي من سنه شفتني مع مع مع مرتك زهره
عبدالوهاب(عصب):وعندك الجرأه تجي لحد بيتي اطلع بررررررره اذا جاي عشان حبيبتك أقول ما اعرف عنها شئ اطلع
ناصر:اسمعني تكفه اسمعني بس
عبدالوهاب(يمسكه بثوبه وبعصبيه) :براااااااااااااااااا
ناصر :مرتك زهره بريئه والله بريئه
عبدالوهاب(بصدمه يحاول يستوعب الكلام صدق ولا تضليل): بريئه بريئه(التفت له بتشكيك) والصور ووجودها معك بذاك اليوم
ناصر: اللي صار اني عرفت وحده اتكلم معها بالجوال وقالت لي أن اسمها زهره
وتوطدت علاقتنا خلال شهور قليله كان فيهاشئ مو مريحني مره طلبت اشوفها فرفضت بس تفاجئت انها تبادر باقتراح زاد تفاجئي منها اقترحت تعطيني صور لها أنا طبعا ماصدقت تواعدنا في سوق وتركت صورها في محل ولما شفت الصور ذكرت الله على جالها الرباني وزاد حبي لها
عبدالوهاب(يغلي واهو يسمعه يتغزل بحبيبته زهره واهو يصر على ضروسه):رجاء ادخل بالموضوع
ناصر(انحرج منه):بعد شهرين اتصلت علي واللي تسمي نفسها زهره وقالت لازم تاخذ الصور وانها تابت وعلى وشك الزواج وماتبي فضايح رضيت بعد فتره وقالت تبي تلتقي معاي مافهمت بالاول رافضه الحين قابله ورحت للموعد وطلبت من صاحبي يراقبها ويعرف وين ساكنه بس لما وصلت
عبدالوهاب(يقاطعه بعصبيه): وصلت أنا بعدها بثواني وصدتكم بالجرم
ناصر:لاء أنت لما اخذتها أنا حسيت بتأنيب الضمير وقررت اتقدم لها رسمي لاني حبيتها وطلبت من امي تروح تخطبها بس عرفت انها باليوم الثاني زواجها انكسر قلبي وقررت اسافر يمكن انساها
عبدالوهاب:أنا اليوم الثاني طلقتها ما تزوجتها
ناصر:عارف او من ايام بس عرفت طول فترة غربتي صورة زهره ما تفارقني طلبت من اختي من بعيد لبعيد تعرف اخبارها مو قادر انساها وقبل فتره عرفت انهاتطلقت الدنيا ما ساعتني من الفرح بالخبر طلبت يخطبونها بس الوالد رفض لان باقي لي6 شهور واخلص قلت استحمل لخاطرها وما صدقت اخذت الشهاده ورجعت للمملكه وثاني يوم راحت امي تخطبها لي وتعادو بالموعد المحدد كنت انتظر اتصال اختي بلهفه بالوافقه بس اختي اتصلت تخبرني بالمصيبه أن اللي تطلقت مهي صاحبة الصوره واسمها سهام مو زهره
عبدالوهاب( بصدمه): سهااااااااااااااااام
ناصر :ايه سهام اهي اللي كنت اكلم اهي اللي قالت اسمها زهره وانها صاحبة الصور والله ماكنت عارف أن اللي جت تاخذ الصور اهي زوجتك وصاحبت الصور ويوم عرفت حبيت ابري ذمتي ونفسي امام الله وابري زوجتك العفيفه اللي ما اظن تعرف عن شئ والحين استاذن وهذي صورة زوجتك اللي معي سامحني
عبدالوهاب(بحزن ): مشكور و مسموح يأناصر
عرف عبدالوهاب الحقيقه بعد ما خسر زهره و بناته وواجه سهام وأعترفت باللي صار صدق ومن تخطيطها مع تهاني و عبدالوهاب ماقدر يطلقهاعشان عياله وامه بالحياه وهجرها_أما سهام تزوجت و تطلقت كذا مره ما كانت تتوفق مع أزواجها ولما عدت 35 قامت تتزوج مسيارعبدالوهاب بحث عن زهره و بناتها وعرف وين ساكنين و حاول يرجع زهره بس أخوانها قالوا أنها تزوجت و عبدالوهاب حزن على فراق حبيبته وما حب يحرمها من بناتها عايشه و أسيل و التؤام نجد ونجود اللي ولدتهن بعد طلاقها من عبد الوهاب تكفل بمصاريف بناته كان يبعث على حساب الخال20 آلف ريال كل شهر لأنه كان غني جداً
وبعد مرور 18عام على طلاق زهره وعبدالوهاب تغيرت الاحداث

[/align]

المصدر: منتدى الخليج

 

امووووره
ضيقتي صدري على زهره ياعمري ماتستاهل
حسبي الله على من كان السبب>> تتاثر بسرعه
يسلمو على القصه المؤثره
يعطيك العافيه يارب

 

يحليها يا زهرة كسرت خاطري
تسلمينے أختيے علے القصه و بانتظار البارت الثاني
يعطيكے ألفے عافية
لكے منيے أرقے و أعذبے التحايآ

 
يسلمو اميرة القمر
على وضعك هذه القصة المحزنة
ويعطيك ألف عافية

 مشكورين على مروركم في متصفحي

 أميرة القمر
يا هلا وغلا فيك
يسلمووو على القصه
والله يعطيك الصحه والعافية

 اميرة القمر
سلمت ايدك على نقل هذه القصة الؤثرة
وبجد شي يكسر الخاطر
بانتظار البارت الثاني
يا اميرة
ربي يعطيك الف عافية