خل التغلي ياحبيبي ماكبير الاالكبير

قـائـمـة الأوسـمـة · #1

إيه افتخرخذ راحتك دامك تبي نفسك كبير
من قدنا ياقلب نتعامل مع الناس الكبار
تدري وش أصل المشكله يالابس الثوب الحرير
المشكله أنك نسيت أن البشرأصله غبار
صحيح ما أنكر وإذا أنكرت أنّبني الضمير
إن الحلا عقدٍ فـ جيدك والدلع فـ ايدك سوار
وانك مثير بكل شي حتى الزعل عندك مثير
وان الصبايا كلها من نظرة عيونك تغار
واللي يريد يغير منك مايفيده لو يغير
والله ما يشفي غليله منك كود الانتحار
بس ويش لو طلع مالك شبيه ولا نظير
يعني جميع الناس ذولي مالهم أي اعتبار
حتى أنا ما امليت عينك لا حبيبي ما يصير
وشلون أجل حنا حبايب كل واحد له مسار
تدري بغلاتك ما يفيد اللغو والهرج الكثير
تدري أحبك وأن حبك أول وآخر قرار
وتدري إذا ناديتني أنسى الزمن كله وأطير
وتدري غيابك يشعل الأشواق في قلبي شرار
وتدري معك مفتاح قلبي وأنت من فوقه أمير
سلمت لك قلبي بايديني بس من دون أختيار
وتدري معك ماشي ولا أدري إلى وين المصير
وتدري من عنادك أشوف النجم في عز النهار
وأشوف حبك مثل عالم حر في عين الأسير
لا قادر يطوله ولا يدري وش آخر الانتظار
وأشوف حبي لعبةٍ يلعب بها طفلٍ صغير
كسر ودمر لعبتك دامك تلذذ بالدمار
بس لا تحسب يوم بأترجاك أو خلفك باسير
راسي واعرفه ياحبيبي ماتعود الانكسار
إن كان في حبك مذله زيح عن جوّي وطير
عند الكرامه اشتري نفسي بعزه واقتدار
قل لي غبي ولا جري ولا ولد عقله صغير
قل ما تبي هذي الحقيقه قلتها لك باختصار
كثير حبوني وأنا حبيت في الدنيا كثير
بس كلهم عندي سوى مابه كبار ولا صغار
خل التغلي ـ ياحبيبي ـ ماكبير إلا الكبير
وان كانك مصمم ترى حنا بعد ناس ٍ كبار

المصدر: منتدى الخليج

#2

يسلمو الوتر الحساس
على وضعك هذه الكلمات الرائعة ويعطيك ألف عافية

قـائـمـة الأوسـمـة · #3

قل ما تبي هذي الحقيقه قلتها لك باختصار
كثير حبوني وأنا حبيت في الدنيا كثير
بس كلهم عندي سوى مابه كبار ولا صغار
خل التغلي ـ ياحبيبي ـ ماكبير إلا الكبير
وان كانك مصمم ترى حنا بعد ناس ٍ كبار
راقت لي جدآ
شكرآ ع الكلمات
ويعطيك الف عافية