سينابارتس

قـائـمـة الأوسـمـة · #1

~♥,, سينابارتس

~♥,, المقادير:

2 ونصف كاس طحين ابيض
1 بيضه
ثلث كاس سكر
ثلث كاس زيت
ثلث كاس حليب ساثل
2 ملعقه صغيره خميره فوريه
1 ملعقه بيكنج بودر
تقريبا ثلث كاس ماء دافي

~♥,, الطريقة :

نخلط كل المقادير مع بعض ماعدا الماء
ونبتدي بالعجن وشوي شوي نضيف الماء ( ممكن نحتاج اضافة ماء زياده ) الى ان نحصل على عجينه لينه شوي مو مثل المعجنات الين شوي,,,

~♥,,بعد تقريبا ساعة يتضاعف حجمها ونبتدي نشكلها

نكون مجهزين ..
*ربع كاس زبده مذوبه
*ثلاث ارباع كاس سكر ( بودره او خشن -حسب الرغبه-) مع 2 ملعقه كبيره قرفه مطحونه
( ممكن اضافة مكسرات مطحونه مع السكر او ملعقة كاكاو بودره - حسب الرغبة),,,

~♥,, نكور العجينه الى كوره بحجم حبة الجوز او اصغر ونحطها بالزبد وبعدين بالسكر,,,

~♥,, نحط الكور الي سوينها في صينيه ( ممكن تختاري شكل الصينيه اللي تعجبك )
~♥,, نخلي العجينه ترتاح قبل ماندخلها الفرن لمدة 10 دقائق
بعدين ندخلها الفرن الى ان تنضج
انتبهي لان ممكن يكون شكلها ناضجه بس تكون معجنه بالوسط,,,
عشان تعرفين انها استوت ضغطي علي العجينه بصبعك اذا ضغطتي ونزلت مكان صبعك ولا ارتفعت معناها مانضجت
اما اذا ضغطتي عليها وارتفعت ثانيه معناها استوت,,,

~♥,, بعدها نقلبها في صينية التقديم
نحط على الوجه ( علبة حليب محلى صغيره مع 3 حبات كيري مخلوطين بالخلاط ),,,
شوكلاته هرشي او ( انا استخدمت مربع شوكلاته خام مذوب مضاف له ملعقتين قشطه ) حسب الرغبة,,,