قصتي يوم كنت أبي أدخل فخ الزوجيه

قـائـمـة الأوسـمـة · #1

الثلام على من يرد الثلام

والثلام على من اتبع الهدى الى يوم الدين

والثلام الوطني (وطني الكويت سلمت مجد...))

قيام قيام الكل الثلام الوطني فووق مستواكـ ليش قاعد يعني محمد هايف

هذا ثلام وطني واجب عليك يا الله قوم يا مال الدين

وثانيا بعد الثلامات الكثيره والي ماشفت احد يرد الله يهداكم منتدى يهوود مو اسلامي

اضحك اضحك ميانه قشرره شسوي ههههههه استحملوني

في ليله من الليالي كنت ماخذ وضعيه الأنبطاح وأقلب في المجلات العربيه .. >> مقدمة قصتي

وأطااالع في الفنانات الى كل وحده تشق الوجه , الى أن شفت صورة

(( حليمه بولند)) سحبت بريك وقعدت أتمقـل فيها مدة من الزمن , ثمن أتخذت قرار صارم بمناداه أمي بصووووت عالي .
يوووووووووووووومة لم تسمعني فقررت في ذالك الحين بمناداتها بصووووت أعلى .

يووووووووووووووووووووووووووووومة ... >> (في ذالك الحين لم أرى سوى مقاس زنوبه الحمام ..)

أمي : نعم وش تبي ؟؟

أنا : خلاااااااص نسيت .. وش بغيت أقول ..

فلما همت أمي بالذهاب ..

أطلقت صرخه قويه ..يووووووووووووووووووووووووومة

فلتفتت وناظرتني بطرف عين ..

وقالت : ردينا.. يعني تبي الزنوبه الثانيه ..

قلت : يووووووووووووومة أبيك في موضوع مهم .. أنا أتخذت قرار ولن أتراجع أو أزحزح عن قراري ..

أمي : خير وش قررت ..؟؟

أنا : ابي أتزوووووووووووج

ردت أمي رد سريع وقالت : عاد من زينك مع الخشم تقول ولد متعلق على وجهك وزين طبايعك علشان تتزووووج .. خلك لين تكبر شوي ..

أنا : يمااااااه حرام عليج أنا مسكين أنا قاعد أتعذب شنو مشكلتي اذا خشمي طويل..وليه أنا ماني ولدكم .. وقعدت أبكي وأعصر

دموعي ومانزل الى دمعه وحده

أمي : خلاص أنا قررت أتهور وأزوجك .. بس بنت منو الى تبيها ..

انا : بنت بولند ..

أمي : منو بولند!! ..

أنا : قصدي ابيك تشوفين لي وحده تشبه (( حليمه بولند)) لحظه خليني اقص لك صورتها من المجله..

والله واقص صورة ( حلومه ) وأعطيها أمي وقلت أبيها نفس المواصفات هذي بالضبط ..

قالت أمي : خلاص بكرة فيه عرس لولد فلانه .. بشوف لك فيه منها بالكويت واذا خلصت الكميه انطر الجيل الجاي

جاااا بكرة وراحت أمي العرس .. وأنا أنتظر رجعتها بفارغ الصبر ..

بعد ساعات طويلة من الأنتظار .. جاءت أمي وقالت مبروووووك لقيت طلبك .. وأخذت رقم أمها ..

دقت عليهم الوالدة اليوم الثاني .. وردت البنت وانا ملصق اذني في السماعه أبي أسمع صوتها ..

فما كان من الوالده إلا وهي تمسك بجهاز التلفون وتمحطه على خشمي ..لكي اغدو في حال سبيلي .. << متعووب على اغدو

مشيت في الصاله وانا أرفس علبة المنديل ههه مو كلنكس منديل شوفوو .. والتى كانت أحدى هواياتي ..

جاءت إلي امي لتزف لي بشرى قبول اهل البنت مبدئيا .. فرحت بالخبر وانتظرت اليوم الموعود لمقابلتها ..

وانا أنشد (( نحمد الله جت على ماتمنى ))

ذهبت الى الحلاق وقلت له : تجهيز معرس كامل الله لايهينك وقصر الخشم ولاتنسىى سكسوكه اهم شي ..

<< راح تسوي عمليه تجميل مو حلاق ههههههههه

ومن ثم جاءت أمي بالطيب والبخور ((اطيااب المرشود كله يستعمله حبكـ )).. وقرت على المعوذات وايه الكرسي .. << الله من البدع

ثم ذهبت الى .. أبو نسب علشان أشوف وأنشاف ..

دقيت الجرس ففتح لي الأخ الأصغر وكان دب وتبدو عليه علامة البراءة ..

وما إن رآني قال من أنت يابو خشم ..

فقلت له عيب يابابا أنا بصير زوج أختك ..

وما إن قلت له هذه الكلمات التي نزلت عليه مثل الصواعق ..

حتى ذهب الى داخل المنزل ..

واسمعه يصيح ويقول : والله اختي ماتاخذ ابو خشم ..

فكرهت هالجااهل الدب الى فضحنا لابارك الله فيه ..

فقلت ابروح للبيت واجيهم بكره على اساس اني انشغلت وماقدرت أمرهم وبالتالي ابو خشم ليس انا

الذي مريتهم وما إن عطيت الباب ظهري وادخلت مفتاح السياره لكي افتح الباب واذا بالاب يمسك يدي ويقول منو الاخ ؟

فقلت له وبصوت يملأه الحزن انا الخطيب ..

أستقبلني خير استقبال .. وقلطني في الديوانيه ..

وأخذ يسألني يمنه ويسره عن مؤهلاتي ووظيفتي ..

وأنا أتصبب عرقا حتى بدء الخياس يتطاير مني ..

ونحن في هذي الحاله يدخل علينا البزر ويقول بصوت يسمعه القاصي والداني وهو يطلع لسانه : يبو خشم والله ماتاخذ اختي .

إلتفت الى الاب وقلت له : ركد ولدكم ..لاتصير علوم ..

فقال له والضحكه تملأ فم الاب : اذهب يابني اصلحك الله ..

فقلت في قلبي تبا بل سحقا لتربية هذا الغلام ( كني شطحت شوي بالفصحى هههه )

فقال الأب : هل تريد رؤيه البنت ..

قلت : أجل جاى اتمقل في وجهك أنت وولدك الدب اكيد بشوف البنت..

وعندما ذهب الأب لمنادة البنت .. أتى الولد وهو يطلع لسانه مرة أخرى ويقول يبو خشم والله ماتاخذ اختي ..

قلت له تعال ياحبيبي أنا بعطيك دينار وكاتب على دينار بوخشم تاج راسك المهم طلع بسرعه .. صرفت الولد الدب وافتكيت منه ..

ولما ذهب الدب الثغير حلوه الثغير لابارك الله فيك يا الاثرم المهم دخلت علي البنت وكلها استحياء وانا انظر الى الارض وارسم دواوير باصبع رجلي الكبير كعلامه على انني خجول ههههههه ..

فجلست بجواري وقالت : السلام عليكم

فلما رفعت بصري لكي أرد السلام .. توقفت الكلمة لم أستطيع أكمالها .. كيف وأنا أرى أبشع وأقبح

وأمتن المخلوقات على وجه الأرض .. لا وكانت تضع من المساحيق مايكفي لصنع كعكه كبيرة الحجم

فقلت في نفسي فركش الزواج لابووها ولأبوو من يتزوجها ..

هذي الدبه يبيلها نبيل شعيل عشان يتزوجها ..

وكنت قد فكرت ان أفركش الزواج وأضع شروطا تعجيزيه كي تفر البنت مني وتصيح على امها مابيه ..

فقلت للوحش اي ( البنت ) : انا عندي شروط ..

فقالت لي سم آمر فقلت لها : انا انسان حق مخمخه وخاصتن تالى الليل ..

فلا تستغربين اذا رفستج من بطنج تالي الليل وانتي نايمه وقلت لج صلحي لي معسل والراس ابيه يكون ثلاث جمرات ومن الصغار والماي مايتعدى النص وتحطين معاه ثلج ..

فقالت لي والابتسامه تعلو خشتها : ابشر .. بس عليك بالمعسل التونسي فإنه انقى واصفى <<< ( طلعت خبره وراعية معسل )

فصخت العقال وبدأت في ضرب العائله كنوع من تشويه سمعتي لحقت بالاب الى داخل البيت وانقضيت عليه مثل انقضااض لاعب فرنسا على لاعب ايطاليا في كاس العالم اللتي اقيمت في 2006 وانطرد على اثرها ( لاويقول للحكم ماسويت شي)
<< رياضي محنك بس مااحب اشارك بمنتدى رياضه ههههههههه

المهم ويوم طلعت في الخارج لقيت الجاهل الدب قاعد فوق سيارتي ..

وانقض عليه انقضااض مماثل ولعنت جدن جابه من الطق .. وتوطيت في بطنه .. وأخذت منه الدينار حقي ..

فلما هممت بتشغيل السيارة .. وأذا بي أسمعه يقول .. أنقلع يبو خشم ..

عندها نزلت من السيارة .. وطرحته أرضا .. وحطيت رجليه تحت تاير السيارة ..

وركبت السيارة .. وأفر التاير على رجليه .. فلما ناظرت من المرايه لأشوف ماذا أحل به ..

فأذا به يضحك ويأشر بيده ( عيدها مرة ثانيه ) !!!!!

فذهبت الى البيت فأستقبلتني أمي هاااااه بشر كيف البنت ..

قلت يمه حرام عليك هذي تشبه حليمه أنتي تبين تذبحيني ..

قالت نفس الى في الصوره اللهم اختلاف بسيط .. وهذي الصوره شفها ..

فلما أخذت الصورة أكتشفت السبب ..

أثاريني قاص صورة ( حليمه) من الجهه الأولى ..

والجهه الثانية فيها صورة ( مريم الغضبان رحمه الله)...!!!

واتمنىى القصه البسيطه حاززت على رضاكم

المصدر: منتدى الخليج