6 fashion tips

 

6 fashion tips

السلآم عليكم ورحمه الله وبركاته اليوم بنتكلم عن اهم 6 قاعدات بعالم الازياء لازم ما ننسآهآ 1- القمآش المطبع بالنقشآت

من اهم الاشياء اللي تزيد انوثه البنت هي الاقمشه المطبعه بالورود والزخارف وغيره و اهم شي لازم تراعينه عند لبسك لها هي الالوآآآآن.. -شريتي فستان مشجر او مطبع بالورود ومنتي عارفه تكملين بقيه التطقيمه ؟! الحل بسيط اختاري اهدآ لون موجود ..زي المثال معنا الفستان فيه ورود زهريه بس علشان نبي نبرز جمال الفستان اخترنا الشوز والمناكير والباقي الوان هاديه ودرجات البيج علشان يبرز الفستان .. X لو اخترنا الوردي كان طلع اللوك "شعبي" او مزحووم وهالشي اكيد مانبيه! 2- تطقيمه نفس اللون: شريتي فستان حلو ولونه مثلا كحلي زي المثال عندنا .. مو لازم تطقمين كل شي من رآسك لرجولك حاولي تدخلين الوان "حياديه" معه علشان يبرز جمال اللوون القوي اللي اخترتيه .. مثلا الرمادي اخترناه لون هادي جداً ويمشي معه ولازم تراعين ان الشنطه تكون نفس لون الشوز علشان ما يصير زحمه وتخبيص الوان.. الحلق اخترناه اسود لان في شغل على صدر الفستان داخل فيه اسود خفيف.. والمناكير احمر لكسر اللون الكحلي X لو اخترنا كل شي اللوك كحلي او حطيتي مناكير كحلي كان طلع اللون مراا سخيف يعني ماتحسين بقوته الا اذا دمجتي معه الوان ثانيه خففتي من حده اللون شوي. 3-القمصان -التوبات-قصاتها واسعه: الحين راجعه وبقوووه القمصان واكمام الباف والاكتف المنفوشه وهالاشيا.. كيف تلبسينها بشكل ما يخرب شكل جسمك او يخفيه او ما تبينين كانك حامل .. الجواب سهل جداً..كعب عاااااالي جداً + سكيني جينز او بنطلون سكينني بصفه عامه علشان تبرزين موديلها وبنفس الوقت يبان انها هي الواسعه مو انك انتي دووبآ. X لو لبستي فلات معه او تنورة كان طلع شكلك مرااا غلط وبيفكرونك حامل او شي مع ان حتى الحامل ما تلبس كذا.. 4-الالوان الباهتة : طبعا الحين راجعه الوان البيجيات والالوان الباهته والساده .. وطقمتي زي المثال عندنا هاللوك بس تحسين بيطلع مراا باهت وممل .. كيف تخلينه فيه حياه وشبابي وفرفوووشي الجواب سهل .. خلي اللوك بروجك او مناكيرك ! اختاري مناكير احمر صارخ يعطيك اللون الانثوي ويكسر بهتان الالوان X لو سويتي فرنش مناكير او بدون مناكير كان طلع اللوك كانك مريضه مراا باهته وما ابرز جمال الالوان الناعمه. 5- موضه البناطيل الواسعه -الشروآل-: وايضا من الموضات اللي دارجه الحين موضه البناطيل الواسعه والهاي ويست و اللي زي الشروآل كيف تلبسينها بشكل ما تزيد من وزنك او تخرب شكلك .. ببسآطه .. اعكسي القاعده رقم 3 لابسه بنطلون سكينني توب واسع والعكس صحيح اذا البنطلون واسعه قصته ابرزي جماله والبسي كعب وتوب ضيق او مفصل لجسمك ابتعدي عن التوبات الفضفاضه او الطويله اختاري توب ودخليه داخل البنطلون والبسي معه حزام اذا ممكن .. X ممنوع التوبات الفضفاضه او الطويله .. 6-الاقمشه اللامعه او الستراس والشوارفسكي: قاعده مهمه اذا لبسك كان يحتوي على قماش يلمع زي البنطلون هنا بالمثال .. او مثلا قطعه شوارفسكي او ستراس او جليتر او اي شي يلمع .. البسي قطعه واحده بس! يعني مثلا بالمثال هنا البنطلون فيه اللمعه هذه اخترنا معه توب هادي وجاكيت لون مطفي و الشوز والشنطه نفس الشي طبعا اللوك هنا سبور شيك يعني لسهره بنات او حفله بنات كذا الزبده ان اذا التوب فيه شغل خلي بقيه القطع مطفيه X لا تلبسين اكثر من قطعه تلمع او فيها شغل من هالنوع مع بعض علشان ما يطلع اللوك اووفر ورخيص. وعلشان تبرزين جمال القطعه

المصدر: منتدى الخليج

 يسلمو الوتر الحساس
على وضعك هذه المعلومات والصور ويعطيك ألف عافية

 تسلمي على الطرح الرائع
يسعدك ربي

 شكرآ على المعلومات والصور

 كحيلآن ../
شآكره لك مرورك آلكريم ..

 كنز آلغلآ ../
شآكره لك مرورك آلكريم ..

 آلدكتور ../
شآكره لك مرورك آلكريم ..