سجل حضورك اليومي ببيت شعر

 

كيـف أبنسـى والريـاض لسيرتـي مثـل الكتـاب !

حافظتني بيت بيـت .. و حـي حـي .. و دوُر دوُر

مـن كثـر ماكنـت أدوّر فـي شوارعهـا جـواب :

هو صحيح الحب أعمى ! أو عيـون النـاس عـور ؟!

كنت أشوف الحب عذب .. وهـم يشوفونـه عـذاب !

كان هـذا الحـب سـر ! .. وقلتـه وكلـي سـرور

 ما يموت الشوق لو قل الوصل ..
وما يهز القلب زلزال الظروف ..
وانت داري في محبتنا اصل ..
ولو يطول الصمت لا يلحقك خوف ..
والغلا بالقلب والله متصل ..
ثابت مثل الاصابع بالكفوف ..

 

قالوا علامك صـامت وقلت ياناس= كثر الكلام يقل لاجله مقامي
الصمت حكمه والحكي مــصدر إفلاس= ولقيت في صـمـتي يزيد احترامي
الصمت له معنى وله ذوق وإحســـاس= مركب نجاتك في بحـور الظلامي
ترى الرجل صوره من الـراس للساس= ثم يتبين جوهــره بالكلامي
إما نطق في كلمة ترفــع الرأس= تضفي على شكله جــديـد الاسامي
وإلا يعود معدنه مـــعــدن نحاس=يرميه سهمه بـعــد ماكان رامي
لا صار عندك من ثمـيـنات الألماس=خله بـصـدرك لين وقت التمامي
أخاف يطلعلك مـن الناس بلاس=وإلا سـفــيه ما يرد السلامي
الله خلق خلقه على عـدة أجناس=وكلن يسوقه مذهـبه للأمامي
والله خلق بالطير قمري وقرناس=ووقت الهدد ما ينغزي بالحـمـامي
لا جال في صدرك من الهم هوجاس=وعينك يحاربهـا لذيذ المنامي
ونفسك عليله والفكر صار محتاس=اترك طمان القـاع وارق السنامي
عليك بالعالي ليا هب نسـناس=يبري الجروح الخـافيه والعظامي
وخلك لربـعـك دايم الدوم نـبراس=وخص القريب وخص ولد العــمامي
خلك لهم في داجي الليل مقـباس=ولصاحب أصدق من حقوق الغمــامي
ربعك ذراك ليا لحق راســك البـاس=قدم لهم شربك ولو كنت ضـامي
وخلك لثوب الطيب والعز لبـاس=واترك دروبٍ تنتهي بالحرامي
وفعل الجميل وواجب الضيف نومـاس=ومن لا نفع بالضـيق نفعه عدامي
بيت الكريم أبوابه بدون حـراس=وبيت البخيل يـعـد مثل الهدامي
كلٍ بها الدنيا نصيبه بـمقياس=ياخذ نصيبه لوجــفـوه الأنامي

 سافرت ناوي اترك الضيق لحظات ..
لقيت طيفك بالسفر محتريني ..
حاولت اببعد عن خيالك مسافات ..
الله حسيبك وين مارحت فيني ..
غيرك نسيته ماطرى كل حزات ..
الا انت دايم بالدقايق تجيني !!

 //
انا مَا عاد بي يا " صاحبي " ..,
.. { جسم .. وعروق .. و دمْ !
ولا حتى ظلال ٍ يارث أشباهي ..
من الليله ..
أنا .. وإن قلت " أنا " ..
يعني / حَزن .. يعني / جَراح .. و همْ !
ولا أدري وشـ أسوي ..
ما بقى بـ اليدَ مِن حِيله ؟؟
على كثر البَكىْ ..
صرت أحَسب إني سَاكن بـ مَيتّمْ !
وعلى كثر الرجَى .. صِرت أحسد البَاكي
بـ .. | مِنديَله |..

 لاشفت وقتك صاير فيه ما فيه
اصبر على المقسوم خيره وشره
ترى الدهر مهوب ولدك تربيه
مهما حصل لك من برده و حره
وان شفت حظك منسدح لا توعيه
يقوم من نومه وينحاش مره
خله بنومه واطلب الله يشافيه
يمكن يحصل له علاج يسره

 

حلفتي لي تصونينـي إذا صـار الزمــــــن خــــــوان
وأول مــــــا عثـر حظـــــي علـى دربـــــك خذلتينـي
..
كسر رمح الزمـــــن صدري وجيتك اشتكي حيـران
نزعتي الرمـــــح من صدري وفي ظهري طعنتينـي
..
خســــــــااااره كييـف حبيـتك؟؟! نعـم والله ندمـــان
غـــبــــــــي أدري نعـم ادري مـا دام انـك سكنتينـي
..
سنـــــــه مـن عمـــــــري وأنـا فـي لعبتـك غرقـان
أشيل الـــــشــوك من دربك وجرحـي كـان يدمينـي
..
وكنت أبكي إذا تبكي وأكـون لبسمتـك فرحـــــــان
وكنت اقرب من رموشك لعينـك يــــــــوم تبغينـي
..
عرفتك للآسف صحـــــــراء وحولتـك إلـى بستـان
وشلتيني غصن أخضـــــر وفي صخرك زرعتينـي
..
حفرتك داخلي وظني تصوني عشرتـــــــي أزمـان
وكنت أحفر قبر موتــــي علـى ساحـل شرايينـي
..
على كف الشقا نامت جروحي والألـم سهـــــران
يحطمني .. يبعثرني .. وفي صحـراك يرمينـــــــــي
..
..ولكن عــــزتـــــي تفـرض أكـون بدنيتـي سلطـــان
وإن ظنك أجي أركع لرجلــك... مـا عرفتينـــــــــي
..
أنا مو عادتي اشحذ من أمثالك رضــــــا وإحسـان
أمـــــــــــوت بـــعــــزتـي ارحـم ولا ذلــك يغطيـنـي
..
وما دام الوفــــــــــا عنـدك يـدور لـه علـى عنـوان
بدور لي على قلـب يصـــــــــــون الحـب وسنينـي
..
ولو قلبـي رجـع حَبـك بولـــــع فيـه بالنيـــــــــران
وبكســـــرهـا أنـا رجلـي إذا صوبــــــــك توديـنـي
..
ولو دار الزمــــــن ضدك وجيتـي تطلبـي الغفـران
وجبتي الشمــــــــس فـي كفـك لعندي..مـا بتلقينـي
..
تقول الناس في وصفك جميلة مثل عـود البــــان
وإنك أجمل وأحلى بشـــــــــر مخلـوق مـن طينـي
..
وإنك غاليـــــة وأثمـن مـن الياقـوت والمرجـان
تقوم أكوان مـن أجلـك وتقعـد لـك بلادينـــــــــي
..

حــــــسافه غرهم شكلك ويـا مـا تخـدع الألــــوان
عموماً .. بقت كلمة أخيرة لك على قلبي وسمعيني
..
إذا كنتي بنظر غيري مـــــلاك على هيئـة إنسـان
قسم بالله ما تسوين شعـــــــره مـن رمـش عينـي