كاذب أناني ميت احساس مغرور

 

كاذب أناني ميت احساس مغرور

:75:آخر كلامك قلت لي منت مجبور..

وش رجعك بالله بعدك تبيني؟!

وصلتها لفراق ومنت معذور..

أبيع بايع واشتري مشتريني..

ومادام قلبك خالي احساس وشعور..

ماني بحاجة قلب ماحس فيني..

ماني على خبرك تمثل لي الدور..

ولاني على كيفك تروح وتجيني..

واذا الزمن له جور والحب له جور..

جورك على جور الزمن مبتليني..

ضايقتني حتى وأنا دمي يفور..

وكذبت في شي حصل شوف عيني..

كاذب,, انانيميت احسااس مغرور..

قاسي,, عنيد,, وياخسارة حنيني..

وشلون أمد الكف والكف مبتور؟!

من قلبك اللي مايقدر يميني..

وقتن مضالك مالفى مني قصور..

ماباقي الا أشيلك براحتيني..

وكتبت فيك حروف وأبيات وسطور..

ليتك تحس وليت قلبك يبيني..

زرعت فيك الكبر وأصبحت محقور..

وأعميت عيني من رفالة يديني..

رفعت من قدرك وواجهت بغرور..

وأول وفاك تروح ماتحتريني..

واليوم ترجع لي عقب غيبة شهور..

ودك تعيد الحب؟! لا ياضنيني

ماعاد باقي غير أوادعك مجبور..

راحت عليك وياخسارة سنيني..

العام قلبي يوم ألاقيك مسرور

واليوم عقب الود لاترتجيني..

واذا ذكرت العشره بقلب مقهور..

تذكر اللي صار بينك وبيني..

وابعد بعيد وعن فعايلك مشكور..

الربح نفسي والخساره لعيني..

آخر كلامك قلت لي منت مجبور..

والحين أظنك منت مجبور فيني

المصدر: منتدى الخليج

 الله يعطيك العافيه على الكلمات الراائعه
وبانتظار جديدك

 تسلمين على مرورج لأول موضوع لي بالمنتدى شااكرتلج تواجدج حبوبه

 حره على كف صقار
يسلمو لطرح الكلمات الرائعه
وربي يعطيك ألف عافيه

 
واليوم ترجع لي عقب غيبة شهور..

ودك تعيد الحب؟! لا ياضنيني



ابدعتي اختي حرهـ على كف صقار
كلمات رائعه من روعتك ياغاليه
تحياتي لك

 يسلمو عالكلمات

 تسلمون على مروركم العذب الذي اسعدني