مسيك بالخير يا شفي وياذوقي

قـائـمـة الأوسـمـة · #1

هذه قصيده أعجبتني واتمنى تنأل أعجابكم

وحبيت انقلها لكم

مسيك بالخير ياشفي وياذوقي_
يامكسبي بالغرام ومصدر أشواقي..

القلب هو منزلك ودرروبك عروقي_
في كل عرق لرجلك موقع تلاقي..

وان ضقت من قلبي اطلع منه الموقي_
يعني مكانك مابين القلب وأحداقي..

يالذة العشق ياطبي وياعوقي_
ياوردة ماغفل من ريها الساقي..

من يوم لقياك يمك مابرد شوقي_
ولاتهاونت في عهدي وميثاقي..

ينبيك عن شوقي أسلوبي ومنطوقي_
وأكبر الادله لاشفتك زانت اخلاقي..

هاك أكبر حقوقك وهات أصغر حقوقي_
لكنك احذر تخيب هقوة الهاقي..

يتل قلبي على طاريك معلوقي_
وافز له وارتكز على عظم ساقي..

واختار جزل الغزل واجر طاروقي_
ورجع الذاكره وارتب اوراقي..

واقول محد(ن) من العشاق من فوقي_
دامك معي ياسفير المستوى الراقي..

هذا وأنا يكفي من رعودي بروقي_
ياحظي من الغرام وقسمي الباقي..

مادمت بين العذارى صرت معشوقي_
اارحب علي الحرام انها من أعماقي..

يلعب لك القلب من فني وطاروقي_
يلعبها احلى طروقك واترك الباقي..

المصدر: منتدى الخليج