نموذج يومك الرمضاني أنسخ وألصق وصور وجاوب

 

نموذج يومك الرمضاني أنسخ وألصق وصور وجاوب

السلام عليكم ورحمة الله وبركاته

مسابقة يومك الرمضاني أبتدت اليوم وكل المطلوب نسخ النموذج بالأسفل وفتح موضوع جديد ولصقه والجواب والتصوير سولفو وأكتبو اللي تبون الفائزين على الدقة والسوالف الأكثر
وبخصوص الفطور والعشاء والسحور أي صنف يتم تصويره يكتب مقاديره وطريقته
وتصوير الطريقة وأي شئ يصادفك خلال يومك تصوره لنا - من أول ماتصحى لين تنام الكاميرا معك وتصور لنا كل شي -

النموذج :
- أول مرة صمت يوماً كاملاً ، وكم كان عمرك حينما صمت ؟
- الدوام والنفسية في رمضان ؟
- شي ماتحبه ينحط عالسفره وتحسه حويق وحوسه يعني طبخته تحس مالها سنع ؟
- لو كنت جوعان وحالتك حاله ودخلت ولقيت احلى طبق مضبط وشغل خطير وجيت بتاكل وقالوا لك الاهل لا تلمسه هذا للضيوف وش بتسوي بالضبط ؟
- برمضان قبل الفطور بخمس دقايق ينقلب البيت خليه نحل متى يأذن متى يأذن وبعض حركات السعوديين يقعد ولدهم يأذن ويوهق الشعب ههههه
المهم انت بفتره الخمس دقائق قبل الاذان وش قاعد تسوي ؟
- حوادث ونكبات سويتها المطبخ وأنجلدت بسببها وأنت بزر ؟
- مالفرق بين رمضان سابقا ورمضان الآن بالنسبة لك ؟
- أشخااص يعزون عليك وفقدتهم برمضان السنه ذي ؟
- برامج رمضانية قديما تحرص على متابعتها ، خصوصا لما كنت صغير < طبعا مايهون بابا فرحان ؟
- سفرة فطوركم برمضان تكون حول الأهل والا كل شخص لوحده ؟
- جدولك اليومي في رمضان ، من تصحى لحد ماتنام ؟ السؤال هذا يعتمد على التصوير 100%
- الليل برمضان سهر أو نوم ؟
- عيال الخليج ورمضان ؟
- جربت العمرة برمضان ؟ وكم مرة ؟
- صلاة التراويح اي المشايخ اللي تحرص تصلي وراه وصوته يشعرك بالخشوع ؟
- ماذا علمك رمضان ؟
- مواقف حصلت لك في ليلة العيد ؟
- اطباق تحبها وأنت صغير وفقدتها ألحين من على السفرة ؟
عطنا نسبة مئوية لكل من :
- دخولك للنت برمضان
- الزيارات
- التي في
- الاسواق
- طبخ الأم
- طبخ الأخوات
- علاقتك بالمطبخ في رمضان ، ونبي طبق أثنين من يدينك ، ولو حصل صورة لسفرتكم مانقول لا ؟
- نبي مقادير وطريقة سفرتكم لليوم اللي بتصور لنا فيه

للشباب والبنات : لاتقولون كيف نصور كل اللي عليكم تدخلون المطبخ وتصورون

المصدر: منتدى الخليج