راعي الكماروا والشمحوطه

 

راعي الكماروا والشمحوطه

الســــــــــــــــــــــــلام عليكـــــــــــــــــــــم


طبعا قصتي اسمها راعي الكماروا والشمحوطه هذي القصه صارت لي في الجبيل من كم

سنة كنت ادور على وظيفة المهم لقيت وظيفه بالجبيل بشركة خايسة اشتغلت عندهم

شهرين وطلعت طبعا عطونا سكن بالجبيل دخلت الشقة العصر الا مافيها احد دخلت قشي

فراشي وملابسي وانقطع قلبي الشقة بالدور الثالث المهم جلست اريح بالصالة

واشوف التلفزيون شوي مر علي واحد بسروال وفانيلة وفوطه وقال لي السلام وهو رايح

شوي الا مر واحد وسلم :confused: وش السالفة من طلعوا هالناس جاني اول واحد

وسلم علي وجلس وسولف معاي وضحك وسوالف وطيحت الميانه بعد ربع ساعه

من المعرفه شوي شوي شوي الا صار عددنا كلنا سبعه بالشقة طبعا شقه كبيرة

في جبيل البلد <=== تحسون اني ما انعطى وجه === بعد يومين من المعرفه انواع

المقالب فيهم معنا من ضمن الشلة ثلاثه من اهل جدة تحفه يموتون من الضحك المهم

معنا واحد حساوي ياجماعه عليه طبخ ولا ثلاثين حرمه والله بجد ما ابالغ جد جد طباااااخ

كل يوم يتفنن لنا بطبخه الله يذكره بالخير المهم يوم من الايام اشتهيت اسوي نقانق

طبعا هم ولا واحد في حياته جرب النقانق طبعا اقطعها شرايح مع حمسة بصل وطماط

وشوي صلصه ياسلالالالالالالالام المهم جربوها بس تجربه اليوم بالليل راحوا شروا كيس

كبير كله نقانق المهم قالوا عليك العشى اليوم :( قلت لهم طيب طبخت وهم يلعبون

بلوت بالصالة وناس تلعب بلايستيشن طليت عليهم ونزلت اشتري خبز وخليت الطبخ على

النار ورجعت الا هو محترق صاير كأنه حبات كيرم اللي لونها اسود اخذت المقلا ودخلت

عليهم الصالة شوفوا يادبش يابهايم اقولكم انتبهوا للطبخ وانتم ثيران ماتسمعون وش

اقولكم :mad: قالوا والله ماسمعناك اسفين قلت لهم والله ما اطبخ اتعب وقطع بصل

واروح اجيب خبز واخرتها يحترق قالوا خلاص بنطلب من مطعم طبعا انا تشققت من

الوناسه على حسابهم :D جاء يوم من الايام صباح نزلت بشغل سيارتي الا فيه حرمتين

عجز جالسين يسولفون قدام سيارتي شغلتها وكان صوتها مزعج جلسوا يطالعوني بحقد

ويقولون وش فيك مهبول طبعا مارديت عليهم احترام لسنهم طبعا وانا طالع لفيت عليهم

وانا افحط وانا مكمل طريقي طبعا خبركم عجز لابد من الدعاوي والشحاوي ويوم من

الايام كنت رايح للبقالة انا ومعي واحد من الجداويين البقالة كانت في محطة بنزين وكلها

زحمه المهم وانا احاسب عند الكاشير فيه وحده واقفه على يساري مدري وش اللي لفت

انتباهي لفيت اطالع الا وش هذيك الشمحوطه طولها مترين بالظبط وحاطه اللثمه شوي

تقول لي فيه شي :mad: قلت لها والله سلامتك انتي اللي فيه شي قالت شفيك

تطالع فيني قلت لها ماطالعت فيك قالت الا وش فيك تطالع قلت لاحول ولا قوة الا بالله

يااااااااا فلان <== ماني قايل اسم خويي == شف هذي يمكن تبي تتعرف عليك ولا شي

عاد قال ياشيخ سيبك من الخنفره هادي وخلينا نروح شوييييييييي :eek: الا قالت خنفرة

امك كل هالحلا والزين خنفرة مالت عليكم شوي طلعت برا المحطه ياناااااااااااااااااااااااس

يااااااااااااااااااااعاااااااااااااااااااااااااالم هذولا يتحرشون فيني ويبون يخطفوني انا وخويي :eek:

وش السالفه تجمعوا الناس وهذي تصارخ شوي الا دورية ماره وشافت الزحمه وجت وش

السالفه قالت هذولا الثنين بغوا يخطفوني وتحرشوا فيني يلعن خيرها هالخالة تعرف

تمثل عاد انا اقول بخاطري والله انتي اللي بغيتي تخطفينا المهم طلعوا الهنود اللي

بالبقالة وطلعوا اثنيين سعوديين كبار بالسن كانوا بالبقالة وشافوا كل شي قالوا

للعسكري هذي كذابه هي تتبلى عليهم حتى الهنود شهدوا قالت بس ولا كلمة كلكم

رجال طينه وحده تفزعون لبعض عرف العسكري انها جايه تبي ترمي بلاها على اي

احد قال لها توكلي بس روحي بيتكم الله يستر عليك المهم شبت في العسكري هواش

وملاسن انا وخويي سحبنا نفسنا وهجينا يلعنها منطقة كل حريمها ارجل من رجالها

وكل يوم وحده تتحرش زين اني شهرين وهجيت رجعت للدمام هههههههههههههههههههه




ان شاء الله ماطولت عليكم

المصدر: منتدى الخليج