كبسة اللحم من مطبخي ‘‘

 

كبسة اللحم من مطبخي ‘‘

السلام عليكم ورحمة الله وبركاته ‘‘

كبسة اللحم من مطبخي ..
سبق إني طرحت موضوع كبسة الدجاج من مطبخي .. بس مااضفت لها الطريقه ..
هذا رابط الموضوع السابق ..
http://kleej.com/vb/showthread.php?t=38897

بسم الله نبداء ..

المقادير :
لحم حسب عد الاشخاص ..
5 كاسات زر منقوعه لمدة ساعه وعليها شوية ملح ..
ليمون أسود ..
أعواد قرفه ..
ملح ..
زعفران مطحون ..
كاسه ونص عصير ليمون ..
فلفل أخضر حار ..
4 حبات بصل متوسطة الحجم ..

الطريقه :

- نسلق اللحم من ساعه الى 3 ساعات على حسب نوعية اللحم ..
- بعد أستواء اللحم نشيله ونحطه في صحن جانبي ..
- المرق اللي أنسلق فيه اللحم نصفيه ونرجعه على النار ونضيف له ملح وليمون أسود وفلفل حار وأعواد القرفه .. والرز المنقوع ..
- نجيب قصدير ونسوي منه 5 طبقات فوق بعض ونطويه من الاطرف ..
- في وعاء نحط عصير الليمون والزعفران المطحون ونبدا نغلف اللحم فيه وكل حبه تتشبع بالليمون والزعفران نحطها بالقصدير لين ننتهي منه .. راح يبقى معنا ليمون وزعفران باقي لما نخلص .. نضيفه على اللحم ..
- نغلف اللحم بشكل كامل لين نحس أنه الهواء مايدخله ..
- نحطه بالفرن مع تشغيل النار العلويه فقط ..
- نقطع البصل شرائح لعمل الكشنه للرز ..
- نضعها في مقلاه ونحمسها لين يصير اللون ذهبي فاتح .. نضيف زعفران وشوي ملح .. عشان تكون الكشنه لونها أصفر ..
- بعد نص ساعه يكون الزر واللحم أنتهوا ..
- نطفي النار عن الرز ..
- نفتح الفرن ونفتح القصدير العلوي للحم .. ونرجعه للفرن عشان يتحمر بشكل بسيط ..
- في صحن .. نضع الرز .. واللحم والكشنه ..
- ونزينها بالليمون والطماطم والفلفل الاخضر

وهذا هو شكلها النهائي :







تحيتي وتقديري للجميع

المصدر: منتدى الخليج