خلافك مع العضو هل يجعلك تتجاهل مواضيعه ؟

 

المشاركة الأصلية كتبت بواسطة حنيــن أول شي أحب أذكره إن الاختلاف في وجهات النظر أو الاختلاف مع بعض الأشخاص في أمور ثانيه غير وجهات النظر موجود في عالم النت أو خارج النت والشخص المؤمن بمفهوم الأخوّه سواء كان في المنتدى أو خارج المنتدى هالشي ما يغير من قناعاته لأنَّ بالواقع حتى الإخوان يختلفون بينهم وبين بعض فما بالج بأشخاص ما تجمعهم غير شاشه بهالشبكه العنكبوتيه يختلفون عن بعض في تكوين شخصياتهم والأطباع ووجهات النظر ... بالنسبه لي ما أتجاهل مواضيع هالشخص لقناعه عندي إن الهدف الأساسي من وجودي بهالمكان الإفاده والاستفاده عشان جذي ما أخلي هالأمور تأثر فيني وبعدين في مواضيع أحسها تخاطبني وتأثر فيني وممكن تفيدني كثير وتغير أشياء فيني فليش أحرم نفسي منها عشان خلاف بيني وبين أي شخص ؟؟ بالأخير التربيه والتنشئه لها دور بهالشي وحتى الظروف اللي يمر فيها الشخص بحياته ممكن تأثر على تصرفاته في ناس ما تخلي هالأمور تأثر عليها وفي ناس اللهم يا كافي تحقد وما تنسى وأصلاً حتى في المواضيع النقاشيه ما تقدرين تتناقشين معاهم لأنَّ ما عندهم استعداد يتقبلون منج أي شي فتحسين إنج داشه حلبة مصارعه مو موضوع نقاشي .. مشكوره حبيبتي الوتر عالطرح المهم الله يعطيج ألف عافيه وما ننحرم من مواضيعج الهادفه ودي واحترامي

حنين ..
أقف أحتراماً لما خطته أناملك .. ماشاء الله عليك قمّة الثقافة والتفهم ..
وقمّة العقلانيه الا متناهيه .. الله يكملك بعقلك ..
والله يعطيك ألف عافيه على كل كلمه كتبتيها في متصفحي المتواضع ..
وأشكرك جزيل الشكر لمرورك الجميل والمشرف ..
تحيتي لسموك الكريم