2012 Hot Trends

 

2012 Hot Trends

هنا نلاحظ الشوز فيه ديتيلز ذهبي من قدام استوحيته من عرض ازياء YSL لانهم كانو ملبسين الموديلز شوز مشابه بالديزاين ..و الشوز اورنج والشنطة بني استوحيته من تناسق الالوان بعرض ازياء Hermes و الفستان الابيض طبعا موضة هالسنه خليته بسيط والساعه بسيطة والحلق حبيت ادخل لون الازرق و اللون الاورنج طقمته مع الشوز يعني حبيت يكون الحلق النقطة اللي تجمع بين الشوز واللوك .. مهم لما تدمجين اكثر من 3 الوان باللبس يكون فيه اكسسوريز او لمسه بسيطة تجمع او توضح الرابط بين هالالوان.. الشوز سيمبل وكلاسيك ولونه اصفر وللحين الـ Statment shoes دارجين يعني لون صارخ او نقشه مميزة .. والفستان اخترت لونه Nude لان الشوز ملوون .. فما حبيت يكون زحمه الوان الشنطة بنية والساعه بنية لانهم اكثر تقارب بالالوان مع الاصفر والبيج .. لان الديتيلز بالسحابات بالفستان فضية و الديتيلز اللي بالشنطة والساعه ذهبية اخترت حلق ذهبي&فضي علشان يجمع بين الاثنين.. ممكن نلبس فضي وذهبي مع بعض اذا كانو مسافة متباعدين يعني (ساعه وحلق) او عقد وخاتم مثلا بس ما نقدر نسوي كذا اذا كانو عقد وحلق لانهم مسافة قريبين من بعض ونقدر نسويها مع الاكسسوريز بحجم صغير جدا و شبه ما يبين لكن ما نقدر نسويها مع القطع الكبيرة او البارزة جدا.. استوحيت الالوان ودرجاتها من عرض ازياء Hermes هنا استوحيت البدلات من عرض ازياء جيفنشي .. كانو اغلبية الموديلز ببدلات .. هنا البلايزر لاحظو قصته مميزة فطقمت معه بنطلون اسود كلاسيك + توب فيه ربطة ناعمة لاحظو ان قصة القميص اطول من الجاكيت بشوي ! هنا قاعدين نبرز القميص اكثر و الجاكيت.. للوهلة الاولى تعتقدين انها مجرد بدلة كلاسيك لكن لما تركزين بقصة الجاكيت مع قصة القميص بتركزين للتفاصيل البسيطة.. الباقي اخترته سيمبل .. حلق فخم لزيادة الانوثة < اكره منظر البدلة اذا كانت تشابه بدل الرجال وكعب اسود سيمبل وكلتش اسود سيمبل وساعه ذهبية بسيطة الميليتيري شوي بدت تروح موضته بس للحين عاجبتني وحبيت اسوي هاللوك تي شيرت سيمبل و جينز اللوك كله سادة بـ سادة .. لكن اللي يميزه القطعه اللي هي الجاكيت هنا مهم اذا بتلبسين جاكيت كذا او من جاكيتات balmain اللي تكون لها قصة وتفاصيل مميزة وملفته ان الباقي يكون سيمبل وسادة علشان تلفتين الانظار بهالقطعة وما "يصير زحمه" لعيون اللي يشوفونك وعامة قاعدة بالفاشن .. اذا قطعة واحدة فيها صرعه او موضة قوية مرا خلي باقي القطع كلاسيك.. بالعربي لا تجمعين موضتين ملفتين بلوك واحد! جيفنشي عجبتني توباته وحبيت اسوي هاللوك مشابه له الالوان الاساسية ابيض واسود وقصات واضحة وبسيطة وخطوط ناعمة الشوز وردي حبيت ادخل لون .. الشنطة فيها بروشات و زحمه وهالشي مطلوب لاضفاء روح للوك..وما يطلع ميت الحلق ناعم لان الشنطة زحمه ومانبي نسوي تضارب.. الجينز كلاسيك وبسيط.. استوحيت هاللوك بعد عرض Jean Paul Gaultier لانه كان ملبس الموديلز كم قطعه بنطلونات واسعه وهاي ويست.. الالوان نفس الالوان اللي ذكرناها موضة هالسنه الـ Basics ابيض واسود هنا باللوك استخدمنا البيج والابيض.. ودخلنا كلتش اخضر لاعطاء روح او لمسه لون للوك.. القميص الابيض موضة هالسنه اللي صار ينلبس بكل وقت..بعد ما كان شي رسمي او للـ نهار فقط.! العقد ناعم و على فكرة لو بتلبسه المفروض تطللع الياقة برا السلسلة وشفت هالحركة دارجة مؤخرا يسكرون ياقة القميص وتلبس العقد ويكون ناعم طبعا .. وتطللع الياقة فوق العقد او السلسلة يعطي لوك جدا فخم وحركة حلوة. البنطلون لاحظو انه هاي ويست وواسع =موضة هالسنة + فيه ديتيلز على الجنبين وهذا مهم جدا ان ننتبه لتفاصيل البنطلونات علشان نبرز القطع..يعني التوب سيمبل لازم البنطلون فيه شغله او حركة بسيطة ملفته.. الشوز نفس لون البنطلون Nude

المصدر: منتدى الخليج